Viviu Paiosaco un domingo singular coa celebración da Feira das Cereixas, unha das 12 Festas de Interese Turístico de Galicia da Costa da Morte. A festa gastronómica de maior relevancia e tradición do Concello da Laracha enche cada comezos de xullo de cereixas a vila de Paisaco.

Foto de Eduardo García Santiago

Este ano as restricións provocaron que a mañá quedase en feria normaliña, con moita cereixa chegada de toda a península, aderezada polo pasarúas das charangas.

Ademais houbo un gran ambiente tradicional no Aberto das Cereixas da Liga Atlántica de Billarda.

Pero pola noite a cousa tornouse máis máxica, co concerto de Xabier Díaz & Adufeiras de Salitre. O recinto do CEIP Alfredo Brañas acolleu esta fantástica “noitaza”, como o propio artista recoñecía na rede:

Que noitaza a de onte nas Cereixas de Paiosaco 💙 Grazas Jorge e Alba pola baila ,canto talento!!
Agradecidxs quedamos larachesas/es por compartir a noite coas @adufeirasalitre
Foi ben bonita! 🌙 pic.twitter.com/RnuJ5MbTP8

— Xabier Díaz (@xabier_diaz) July 5, 2021