Sorprendía esta mañá de luns Pedro Sánchez anunciando os novos nomeamentos do seu gabinete. O novo Ministro de Sanidade será José Miñones, ata onte Delegado do Goberno en Galicia.

Precisamente, Miñones achegábase esta fin de semana, nun dos seus últimos actos como Delegado, á Caión, Laracha, para manter unha reunión co PSOE local. A voceira e candidata socialista, Palomi Rodríguez, tratou con José Miñones asuntos como os plans para achegar internet ao 100% das casas, os programas de axudas para mercar ou alugar unha vivenda no municipio ou o programa de carteiros no rural.