Escoito o delegado da Xunta na Coruña, Gonzalo Trenor, as propostas do alcalde da Laracha, José Manuel López, enfocadas a levar a cabo a ampliación do patio e do aparcamento do CEIP Otero Pedrayo para prestar un mellor servizo a este centro. Un centro moi activo, con 603 alumnos, que conta con numerosos programas educativos como o Plan Proxecta, o Plan director da Garda Civil, colabora con CIM do Concello e conta coas liñas de Emocións, Patios, Creación Actividades de Contornas Virtuais e Biblioteca.

O delegado comprometeuse a analizar a proposta.