Este pasado venres tivo lugar a Asemblea Xeral da Federación Provincial de ANPA da Coruña - Costa da Morte (a costeira converteuse en provincial). A Casa da Cultura de Vimianzo acollía unha cita na que a unanimidade foi a protagonista demostrando a unidade dunha comunidade educativa que segue pelexando contra a LOMCE e as reválidas.

Os pais e nais da bisbarra aprobaron a entrada de 3 novas ANPAS da provincia, aprobaron novas xornadas de formación sobre xestión das propias entidades, así como os representantes da federación en ANPAS GALEGAS (Maica Cacheiro e Lola Rama) e na Plataforma Galega en Defensa do Ensino Público (Pepe Bustelo).

Mobilización

E despois das mobilizacións de Cee, Carballo emais Muros, as Fedanfas infomaron das novas Folgas estudiantís que veñen por diante en contra da Lomce e das Reválidas.

Os vindeiros 16 e 24 de novembro hai convocada unha folga e unha concentración ás 11:00h en Santiago.

Formación

Estas xuntanzas son aproveitadas para facer novas Xornadas de Formacións. Desta volta tocaba, unha vez máis, Xestión nas ANPA, e unha dura sesión de Contabilidade, Fiscalidade e Facenda. Unhas “clases” que duraron ata ás 22.45h.

Ademais, seguiron preparando a xornada de formación ”Vivimos na Diversidade” en Cee e informaron das xornadas “Aprende para educar”, que se desenvolverán nas seguintes datas e lugares:

• A Laracha: Casa da Cultura. Rúa Rosalía de Castro s/n. Hora de comezo 20:00 h.
  - A presenza dos menores na rede. Venres, 17 de outubro.
  - A familia como contexto socializador. Venres, 31 de outubro.
• Carballo: Forum. Praza dos bombeiros voluntarios. Hora de comezo: 20:30 h.
  - A presenza dos menores na rede. Venres, 14 de novembro.
  - A familia como contexto socializador. Venres, 21 de novembro.
• Corcubión: Casa da Cultura. Rúa Médico Vicente Fraguela, 14. H. de comezo: 20:00 h.
  - A familia como contexto socializador.Venres, 14 de novembro.
  - A presenza dos menores na rede. Venres, 21 de novembro.
• Cabana: Auditorio municipal, A Carballa 17-Cesullas – Cabana.
  - A presenza dos menores na rede. Mércores, 29 de outubro.
• Laxe: CPI Cabo da Area. Rúa Isidro Parga Pondal, 45. Hora de comezo: 19:30 h. Venres 7 de novembro).
  - A familia como contexto socializador .Venres, 7 de novembro.
 

Novas relacionadas

• A Escola de Nais e Laxe de Laxe abre con 4 xornadas formativas.
• 27-10-16: A comunidade educativa mata as Reválidas e dille non á Lomce.
• 26-10-16: A LOMCE e as Reválidas baleiran as aulas de Muros.
• Setembro 2016: Os socialistas critican a mingua da calidade do ensino na comarca de Bergantiños.
• Setembro 2016: En marcha un novo curso escolar.
• Xullo 2016: A federación de ANPAS Costa da Morte fai balance do ano académico.
• Xuño 2016: Versos como balas contra a LOMCE.

Fonte

• Redacción de QPC ([email protected]).