Co fin de erradicar as especies invasoras que ameazan o rico ecosistema do Monte Branco, un grupo de mozos e mozas do concello de Ponteceso con inquietudes ambientais uníronse baixo o nome As Píllaras das Dunas para organizar un programa de voluntariado ambiental que se desenvolverá do 19 ao 26 de setembro. A actividade está dirixida a mozos e mozas de entre 18 e 35 anos que terán manutención e aloxamento gratuito. Dentro do programa inclúense actividades como seminarios sobre plantas invasoras, un percorrido por zona afectadas pola uña de gato - Carpobrotus Edulis -, obradoiros de horta ecolóxica, de cosmética natural, de xabróns naturais,... entre outras máis actividades. O prazo de inscrición comeza mañá, 22 de agosto, e remata o 9 de setembro. Os interesados deben cumprimentar un formulario de inscrición e envialo ao enderezo electrónico aspillarasdasdunas@hotmail.com. Fonte

• Redacción QPC (info@quepasanacosta.com)