Bergantiños, capital da docencia en ciencia
10:36 04/01/18
Xacobo de Toro Cacharrón cos seus alumnos do IES Urbano Lugris
Clubs de Lectura, Radio na Biblio… os centros escolares da Costa da Morte están demostrando o seu potencial e implicación sacando adiante proxectos singulares.
Proxectos como o que desenvolven no IES Urbano Lugrís de Malpica para “que o pasen ben ca ciencia” seguen facendo camiño e as adxudicacións e os premios dos últimos meses así o corroboran.
Club de Ciencia
Xacobo de Toro Cacharron, un Youtubeiro máis Este 2018 continuará sendo a ciencia importante, alomenos en 3 centros educativos da comarca. O propio IES Urbano Lugrís, o IES Eduardo Pondal de Ponteceso e o CPI As Revoltas de Cabana veén de ser admitidos pola Consellería de Cultura, Educación e Ordenación Universitaria para desenvolver Proxectos do Club de Ciencia. Unha ocasión para aprender experimentando e investigando.Un mestre costeiro, entre os 10 mellores de España
E para dar conta do nivel de implicación do noso profesorado, podemos contar que a Costa da Morte ten un profe entre os 10 Mellores de España de Secundaria. Xacobo de Toro Cacharrón (IES Urbao Lugrís), toda unha revolución a través do youtube co seu “XeoClip” entrou na última lista dos Premios Educa ao Mellor docente de España (que organiza EDUCA con Abanca e MIAC). O 10 de xaneiro será a resolución definitiva, e esperamos ver a algún dos nosos na Gala que será o 23 de febreiro no Hotel Attica da Coruña, retransmitida por TVE e presentada por Paloma Lago. Fantástica a reseña publicada por Educa sobre o mestre e o centro malpicán.Proyecta Innovación
Galician Landscape levou o Premio Proyecta Innovacion en 2017 Segue sendo o Urbano Lugrís referencia en materia científica, e así o corrobora o IV Premio de Proyecta Innovación que recibían a finais de outubro polo proxecto “Paisaxe vivida. 3D Galician Landscape”. Nel seguen traballando tras estes comezos:Novas relacionadas
- 17 Bibliotecas escolares da Costa renovan os seus Clubs de Lectura.
- 6 bibliotecas escolares da Costa da Morte, escollidas para o proxecto Radio na Biblio.
- Xacobo de Toro: “Que o pasen ben ca ciencia”.
- Cando divulgar a ciencia trae premio.
- O saber ten premio no IES Fernando Blanco de Cee
- A lingua de Malpica é campal, che!.