Non hai mellor maneira de fomentar o coidado do patrimonio que dándoo a coñecer. E con esa idea, a ACD Cormoráns convocaba unha camiñada para a veciñanza de Cabana pola Vía Céltica.

A ruta desenvolveuse ao longo deste itinerario xacobeo recentemente sinalizado polo goberno local coa finalidade de promover o turismo no municipio.

Na xornada, as persoas asistentes puideron gozar dunha alternativa de ocio saudable por recunchos de gran beleza paisaxística e mesmo coñeceron en primeira persoa a experiencia do proceso de moer o gran no muíño do Ferreiro.

Non faltaron os petiscos para repoñer forzas ao remate da actividade.

Máis novas da Vía Céltica