Venres. 29.03.2024
El tiempo

Conmoción no Fútbol costeiro despois dun sábado de graves lesións

Conmoción no Fútbol costeiro despois dun sábado de graves lesións

Tremenda conmoción no Fútbol da Costa tras dous graves sucesos nos campos da zona. Dúas ambulancias tiveron que trasladar a dous xogadores do Ameixenda e do Camelle, en sendos partidos da 3ª Autonómica celebrados na xornada sabatina.
Dous accidentes que volven poñer enriba da mesa os problemas de seguridade nos campos de fútbol, con esas perigosas “vallas” e muros a pé de campo.

En Camelle

A Ambulancia no no Rodeiro entre Camelle e Lira Ambulancia na Lesion grave no Rodeiro entre Camelle e LiraLesion grave no Rodeiro entre Camelle e Lira

Un dos sucesos acontecía no Rodeiro, onde o SCD Camelle recibía a visita do Lira. O partido transcorría tranquilo ata que o porteiro laxense do cadro local, Carlos Cousillas, recibía un forte golpe no peito. Carlos caía no chan cunha dor tan forte que lle provocou mareos e vómitos. Chegaba a ambulancia que o trasladaba ao Hospital de Cee. O partido reanudaríase.
A cousa púñase grave pois comprobaron que o golpe provocara unha rotura da tripa, e tivo que ser operado de urxencia. Afortudamente a operación saíu ben deixando a parroquia camellá moito máis tranquila.

 

En Cabana

A Ambulancia chegou en 12 minutos ás Redondas Lesion grave dun xogador do Ameixenda en Cabana

Corría o minuto 64 nas Redondas entre o choque entre o Cabana e o Ameixenda, cando nun balón longo, o defensa do Cabana trata de protexelo e Rafa Ramos Louzán pugna por recuperalo. Na disputa o defensa mete o hombreiro saíndo Rafa trompicado e golpeando a cabeza contra o muro de bloques do fondo. O impacto fui brutal quedando o xogador inconsciente e cunha brecha na cabeza.

Foi fundamental a actuación do delegado/masaxista do Cabana que en todo momento estivo axudando ao xogador, sobre todo despois de perder a consciencia, neses momentos tan críticos onde moitos chegaron a temer o peor, e que foi o que lle metiu a Rafa na boca o tubo de Guedel. Tamén axudou unha enfermeira e un doutor que había no público, e por iso dende o cadro ceense queren agradecer a colaboración de ambos, como de todo o club cabanés.

Pouco a pouco fui estabizando a respiración e recuperando a consciencia. Chegou pronto a ambulancia medicalizada, 12 minutos para ser exactos, e despois de facerlle un primeiro recoñecemento trasladárono o Hospital Virxe da Xunqueira de Cee. Fixéronlle un tag e decidiron trasladalo o CHUAC para unha observación máis completa, aínda que en principio parece que todo vai quedar nun susto. Segundo nos contan, pasou ben a noite, máis tranquilo, e parece que evoluciona correctamente.
O partido quedou suspendido no minuto 64 e a federacion decidira cando se termina.

Gran unión e respecto

Podemos dicir que, polo menos, estes sucesos deixaron patente a boa sintonía, o respecto e a unión dos clubs da 3ª. A través dun grupo de watshapp creado por QPC, representantes dos clubs e a familia QPC estiveron conectados durante toda a tarde, compartindo información, dándose ánimos e propoñendo novas ideas sobre protesta conxuntas por temas de seguridade. A ver se isto serve para sementar unha verdadeira Asociación de Clubs.

Fonte

Comentarios