Como fixo co convenio para coas Torres do Allo, o EcoMuseo do Forno do Forte, e o Castelo de Vimianzo e os Batáns do Mosquetín, a Deputación da Coruña vén de renovar o seu acordo co Concello de Cabana para a posta en valor e mantemento da coñecida como “catedral do megalitismo galego” terá continuidade en 2023.

Neste exercicio, a Deputación aportará 62.184,41 euros para sufragar os custos de visitas guiadas, visitas escolares, atención ao cliente, obradoiros de prehistoria dirixidos á rapazada, encontros teatralizados, xornadas, charlas, presentacións, rutas cicloturísticas ou noites de observación de estrelas, entre outras das actividades e servizos que se prestan e realizan no conxunto megalítico.