Ao tempo que avanza, por fin, o Parque do Megalitismo da Costa da Morte, o seu buque insignia, o Dolmen de Dombate, segue o seu camiño cheo de actividades. Así o asinaron nun convenio esta pasada semana o Concello de Cabana coa Deputación da Coruña, a través do cal continúa a colaboración para manter viva a catedral do megalitismo da Coruña.

A Deputación financia con 60.000 euros as actividades e o servizo de atención a visitantes do dolmen, continuando coa xestión realizada nos últimos anos. Haberá visitas guiadas, visitas escolares, obradoiros de prehistoria dirixidos á rapazada, encontros teatralizados, xornadas, charlas, presentacións, rutascicloturísticas ou noites de observación de estrelas, entre outras.

Novas relacionadas

• Abril 2021: A Deputación e 10 concellos intentan o impulso definitivo ao Parque do Megalitismo da Costa da Morte tras 20 anos de promesas.
• Abril 2021: As aulas de luz e ciencia de Dombate, xa na rede.
• Decembro 2020: Dombate en 3D.
• Agosto 2020: As visitas a Dombate tamén ratifican un verán positivo a nivel turístico.