Axentes da Garda Civil do Área de Investigación de Carballo detiveron onte a un veciño de Muxía de 41 anos, como suposto autor dun delito de roubo con violencia e intimidación. Os feitos ocorreron o pasado día 15 nunha estación de servizo do Nantón- Cabana de Bergantiños, cando o agora detido, xunto con outro individuo, ameazou á dependenta da estación de servizo cun arma branca e subtraeulle 650 euros en efectivo, dándose posteriormente á fuga nunha motocicleta que conducía o seu acompañante. Os axentes continúan coa investigación para tratar de localizar ao acompañante e non se descarta a súa detención nas próximas horas. Os feitos foron postos en coñecemento do Xulgado de Instrución de Garda de Carballo.

Fonte

• Redacción de QPC ([email protected]).