Como fixeran os alcaldes do sur da Costa da Morte o pasado mes, os 7 rexedores da comarca de Bergantiños mantiveron onte unha xuntanza cun grupo de representantes da Plataforma de Afectados polas Participacións Preferentes e obrigas Subordinadas de Bergantiños.

Un total de oito afectados expuxeron a súa situación diante do Alcalde carballés, Evencio Ferrero, que actuou como anfitrión, e dos rexedores de Cabana, Manuel Muíño; Coristanco, Antonio Pensado; Laxe, Antón Carracedo; Malpica, Eduardo Parga; A Laracha, José Manuel López Varela; e Ponteceso, José Luis Fondo.

Os afectados, lembraron ademais que continuarán coas súas mobilizacións, cada xoves, día de feira carballesa, dende as 11:00h ata as 14:00h, percorrendo as 4 oficinas bancarias de NGB e a de Bancaja.

E igual que fixeran o resto de alcaldes, adquiriron o compromiso de aprobar nos plenos das súas corporacións unha moción conxunta de apoio aos afectados, na que se lle solicita á Xunta de Galicia a que se dirixa aos distintos organismos e autoridades políticas e monetarias competentes para, no caso das comercializacións indebidas destes produtos híbridos, eliminar as quitas e evitar que se realicen trocos por outro tipo de produto financeiro que non poida ter liquidez a curto prazo ou poida supoñer perda no valor nominal dos títulos dos seus produtos; e tamén que se manteña, axilice e reforce o sistema de arbitraxe.

Precisamente nesto último fixo fincapé Xan Fernández Carrera, voceiro da plataforma, que considera que a arbitraxe é o sistema que mellor defende os seus dereitos para que poidan recuperar o seu diñeiro.

Os representantes da plataforma agradeceron a colaboración dos alcaldes para apoiar a súa causa, aínda que tamén solicitaron que as mocións se aproben o antes posible para que se presenten ante a Xunta de Galicia e de aí ante o Goberno do Estado. Todos os rexedores adquiriron o compromiso de sacalas adiante nas sesións plenarias do mes de marzo.

Novas relacionadas

• 19-02-13: Os alcaldes da Costa da Morte únense cos afectados polas Preferentes.
• O fraude forestal do Caso Maceiras chega ao Parlamento.
• Vimianzo abre as portas da OMIC cada venres para informar das Preferentes.
• 04-01-13: A loita contra as Preferentes colle nome e apelidos.
• Os veciños de Buño e toda a comarca se mobilizan polo peche da oficina Caixa Galicia.
• A Costa da Morte está viva contra as Preferentes.
• Preferentes: Arbitraxe ou demanda xudicial.
• Castellanos aos Afectados das Preferentes: “Agora manda a Troika”.
• 16-10-12: Os afectados polas Preferentes seguen uníndose e xa teñen un canle de consulta.
• 5.000 afectados polas Preferentes na Costa da Morte para unha nova reunión en Camariñas.
• 06-08-12: Máis de 130 afectados polas Preferentes dan a cara.
• 12-07-12: Os afectados polas Preferentes na Costa da Morte xa se moven.
• 05-07-12: En marcha a Plataforma de afectados polas Preferentes da Costa da Morte.

Fonte

• Redacción de QPC ([email protected]).
• Concello de Carballo.