Este ano os nenos da Costa da Morte teñen de novo a posibilidade de aprender inglés e divertirse no concello de Cabana, onde se fará a terceira edición deste proxecto, coa chegada de ENGLISHFEST NA COSTA DA MORTE, iniciativa de Nieves Eiroa Souto, veciña da localidade de Cabana, e Gerard Geraghty, Profesor nativo irlandés. Ademais de achegarse ao inglés, un idioma indispensable no futuro e necesario xa, os nenos tamén coñecerán otras realidades coma os deportes ou os costumes anglosaxóns. Participará ademais Guido Leborini, deseñador de xoguetes onde utiliza persoaxes galegos como protagonistas dos seus xogos, por exemplo o Xabarín. Ou xogos de mesa coma o Camiño de Santiago, onde un dos persoaxes é a Santa Compaña. Este italiano, xerente de Galileo Nenos, afincado en Vimianzo contaralle aos nenos porqué elixiu a Costa da Morte para vivir. Contan coa colaboración do Concello de Cabana de Bergantiños e da Anpa A Riveira. O “ENGLISHFEST” é un campamento de inglés, dinámico, onde os nenos aprenderán inglés nun ambiente divertido e seguro, aprendendo gramática e vocabulario mentras se realizan outras actividades coma deportes anglosaxóns, kayac, clases de natureza, reciclaxe, xornadas contra o racismo  o de as mulleres no trabalho... Están previstos dous campamentos para este verán. O primeiro  dende o 29 de xuño ao 10 de xullo, ambos incluidos, e o segundo será do 13 ao 24 de xullo, tamén, ambos incluidos.

Máis información e inscrición

Para máis información poñerse en contacto a través dos mails gerardgeraghty@gmail.com e mneiroa@yahoo.es, chamando ao teléfono 662 015 734(Nieves) o Gerry por whatsapp 00353 87 719 2843  e tamén no perfil de facebook: https://www.facebook.com/EnglishfestExperience.

Fonte

• Enlace patrocinado.