Imos descubrindo novos proxectos eólicos nos nosos montes gracias ás denuncias das entidades sociais. Desta son a Plataforma pola Defensa de Corcoesto e Bergantiños, a Asociación ambiental Petón do Lobo, a Asociación galega Cova Crea e a Asociación O Ouriol do Anllóns as que informan á veciñanza do novo Parque Eólico de Bustelo e Baralláns que afecta aos concellos de Cabana e Coristanco.

Unha zona na que xa dan sobra os aereoxeneradores do P.E. De Silvarredonda do monte Perrol. Lugares como A Mata, Bustelo, Lestón… sufrirán, a menos de 600 metros, a presencia de 6 novos xigantes ao seu arredor, de 200 metros de altura e 155 metros de diámeto de aspa (o doble de grandes dos de Silvarredonda).
Os 6 aereoxeneradores (situados concretamente en Costa de Monelo, Paradela, Monte do Covelo, Monte Longo, Agra de Bustelo, Picho de Fontes e Alto de Torreiro) terán unha potencia de 36 MW.

Impacto paisaxístico e medioambiental

Non hai moito a Xunta publicaba o documento de inicio do proxecto, e as devanditas entidades piden a súa retirada “pola súa incompatibilidade coas Directrices da Paisaxe de Galicia.

Entenden que “o Decreto 238/2020, do 29 de decembro, polo que se aproban as Directrices de paisaxe de Galicia, publicado hoxe no DOG, blinda os valores paisaxísticos da Área de especial interés paisaxístico do val fluvial do Lourido (AEIP val fluvial do Lourido) e resulta incompatible co proxecto eólico que promove a mercantil EDP Renovables”.

Aseguran que “as gabias de cabreado afectan na fonte Cardeira, lugar de nacemento do río Lourido”. Por outra banda, “o aeroxenerador chamado BAR -02 incide directamente sobre o rego Batán, o curso de auga máis importante do val fluvial e principal afluente do río Lourido e do río Anllóns”.

Fragmentación fraudulenta de proxectos eólicos

As entidades volven denunciar o que entende como fragmentación fraudulenta de proxectos, como consideran que as eólicas fan nos de Bustelo, Campelo e Monte Toural. “O proxecto eólico Bustelo e Baralláns representa a continuidade do proxecto eólico Agrelo –Muriño que a mesma empresa, EDP Renovables, promove tamén con outros seis arexoneradores e a mesma potencia no Alto do Covelo, Pena da Santa, monte de Cabana, Castelo de Muriño e Castelo Pequeno”, sinalan.
De feito “a liña de evacuación é compartida por ambos parques e realizarase a través dunha liña aérea que conectará a infraestrutura ata a subestación de Meirama, e que será obxecto doutro proxecto independente, polo que se substraen os seus impactos dá avaliación ambiental global, conxunta e sumativa que debera abarcar á totalidade das infraestruturas, para unha mellor integración ambiental e paisaxística.”

Impacto patrimonial

O propio documento de inicio do proxecto recoñece a presencia de varios bens arqueolóxicos como tanto direcamente pola ubicación dos aereoxeneradores (o Cruceiro de Nosos Señora en Cotón (Cereo), Iglexa de Cereo (Parroquia de Santa María), o Cruceiro en Ramalllón (Valenza), os Muíño no rio Grelo (Bustelo), a Mámoa de Bustelo) como polas estradas necesarias (Mámoa o Túmulo de Midón, os Túmulos o Mámoas de A Granxa, Mámoa de Cuca, o hórreo na Cuca). Pero considera que todos estes “bens incluidos no Catálogo do Patrimonio Cultural, sitúanse a suficiente distancia da estrada citada, polo que non se verán afectados.
Deixan aberto a creación dun completo estudo arqueolóxico cando se realice o Estudo de Impacto Ambiental.

Novas sobre os eólicos

• PE Corme: A Xustiza demostra o incumprimento de EDP, e a connivencia da xunta, á hora de medir o ruído dos eólicos de Corme .
• PE Berdoias: Varias entidades presentan alegacións ao Parque Eólico de Berdoias polo impacto no seu patrimonio.
• PE Campelo, Bustelo e Monte Toural: A DIA do Campelo recoñece que os do Campelo, Bustelo e Toural son un só proxecto eólico.
• PE Banzas: O bosque de Santa Locaia, tamén ameazado polos eólicos de Banzas.
• 6 razóns do expolio eólico: "Nunca Máis ao Plan Sectorial Eólico de Galicia”.
• PE Maragouto: Os Quijotes e Petón do Lobo piden que os eólicos non afecten aos humidais de montaña.
• PPEE Alto da Croa, Alto da Croa II e Monte Tourado: Denuncian a posible corrupción trala fragmentación fraudulenta dos parques eólicos de Vimianzo e Dumbría.
• G3 Corme: A desfeita das obras do parque eólico G3 de Corme, en imaxes.
• Familias afectadas por 6 proxectos de parques eólicos: “Róubannos a nosa Paisaxe”.
• PE Salgueiras: O BNG ratifica o seu rexeitamento ao parque eólico no Monte das Salgueiras.
• PE Salgueiras: “O parque eólico Salgueiras é ilegal que cada representante político e social asuma súas responsabilidades”.
• PE Salgueiras: Esixen a modificación do proxecto eólico das Salgueiras polo impacto visual e a aparición de novos elementos patrimoniais
• “Aldeas con horizonte”: Manifesto por unha moratoria a novos parques eólicos.
• PE Cerqueiral: O Cerqueiral, outra ameaza para a nosa paisaxe.
• Greenalia, que promove 7 parques eólicos na comarca, fai unha doazón de material escolar.
• PE Mouriños: A desfeita das obras do parque eólico de Mouriños na Serra de Gontón, en imaxes.
• PPEE Bustelo, Campelo e Toural: Santa Comba vestiuse de negro contra o “megaparque” eólico de Bustelo, Campelo e Toural.
• Regoelle, a tea de araña dos eólicos da Costa da Morte.