As ANPAS da Costa da Morte participaron na manifestación da Coruña

Parece que uniron esforzos desta volta as diferentes organizacións educativas para conseguir un paro completo do sistema educativo. A folga xeral deste 9 de marzo demostra que a loita por un Ensino Público de calidade e pola derogación da LOMCE continúa moi viva, despois de máis de 5 anos de mobilizacións. A convocante Plataforma en Defensa do Ensino Público de Galicia, da que forman parte as organizacións CONFAPA- GALICIA, FE-CCOO de Galicia, FeSP-UGT, ESCOLA VIVA, Sindicato de Estudantes (SE) e IESGA, máis STEG lóubanse ter conseguido acordos maioritarios de paralización da polémica lei no Congreso, pero lamentan que aínda non sei aplicou.

Así por exemplo, a Conferedación de ANPAS Galegas “non acepta un “pacto educativo” no que non está presente toda a comunidade educativa galega” e por iso pide un paso máis alá e poder participar na creación dunha nova lei.

En todo caso, a CONFAPA decidíu retirar esta semana o seu apoio á folga, despois de “constatar a percepción social da folga e a súa invovenciencia tempora”. Entende a entidade que o “clima de consenso” que asegura o goberno estatal e entende que “a folga pode ser perxudicial para o movemento asociativo das ANPAS”. Así e todo, asegura que “esta decisión non empana, se non reforza, o compromiso cos valores identitarios da escola pública e co rexeite da LOMCE”.

As ANPAS da Costa da Morte participaron na manifestación da Coruña

Amplo seguemento da folga… entre o alumnado

Coma na maioría das citas, non defraudaron os alumnos e fixeron desta folga unha nova demostración de loita, malia que hai mestres e directores que seguen barallando a idea do “un día sen clase” para dar argumentos ao amplo seguemento. A Federación de ANPAS Provinciais-Costa da Morte contabilizou un 80% de seguemento da folga entre o alumnado, sendo maioritario entre os alumnos de Secundaria, e bastante menor entre os de Primaria.

Nós tamén fixemos contas. Despois de falarmos con 24 centros da zona (con moitos problemas ademais para que nos colleran o teléfono, porque segundo denuncian varios centros como o dos Muíños, os “recortes” provocan que non haia persoal moitas veces para coller as chamadas), un 70% dos alumnos non acodiron ás súas clases.

Outro caso parece o dos profesores, que non amosaron o mesmo compromiso que os alumnos, e vemos como en centros como o IES Fernando Blanco, só secundaron a folga 5 de 56 mestres, un 12,5% mentres que o 92% do alumnado si que a seguiron. En total, arredor dun 25% dos mestres fixeron folga e non foron ao centro.

Cómpre destacar centros como o CEIP do Pino do Val onde non houbo seguemento algún da folga. Polo bando contrario, o CEIP Milladoiro de Malpica, cun 98% do alumnado e un 74% do profesorado facendo a folga.

Seguemento da folga do ensino do 09/03/17	Alumnos	Profesores
IES Fin do Camiño de Fisterra	75	60
IES Ramón Caamaño de Muxía	44	50
IES de Ponteceso de Ponteceso	75	8
IES Terra de Soneira de Vimianzo	82	26
IES Maximino Romero de Lema de Baio, Zas	50	12
IES Urbano Lugrís de Malpica	90	10
IES Parga Pondal de Carballo	88	1.5
IES Terra de Xallas de Santa Comba	81	21
IES Alfredo Brañas de Carballo	70	14
IES Lamas de Castelo de Carnota	50	17
IES Agra de Raíces de Cee	97.5	25
IES Fernando Blanco de Cee	92	12
IES Fontexeria de Muros	62	45
CEIP Fogar de Carballo	40	12.5
CEIP Plurilingüe de Pino de Val de Mazaricos	0	0
CEIP Areouta de Sardiñeiro	100	85
CEIP Santa Eulalia de Dumbría	93	50
CPI Cabo da Area de Laxe	95	55
CPI As Revoltas de Cabana	22	3
CEIP Praia de Quenxe de Corcubión	85	20
CEIP As Forcadas de Corme	95	17
CEIP Eduardo Pondal de Ponteceso	62	10
CEIP Milladoiro de Malpica	98	74
CEIP Mar de Fóra de Fisterra	50
CEIP Os Muíños de Muxía		17
Porcentaxe total de seguemento da folga	71	27

nbsp;

Novas relacionadas

• 01-03-17: As ANPAs preparan unha asemblea e unha nova folga.
• Febreiro 2017: A comunidade educativa volve por enésima vez á rúa para berrar contra a LOMCE:
• Novembro 2016: O alumnado demostra que non quere á LOMCE.
• Estamos preparados para a folga e si esta non funciona… para a revolución?.
• 27-10-16: A comunidade educativa mata as Reválidas e dille non á Lomce.
• 26-10-16: A LOMCE e as Reválidas baleiran as aulas de Muros.
• Setembro 2016: Os socialistas critican a mingua da calidade do ensino na comarca de Bergantiños.
• Setembro 2016: En marcha un novo curso escolar.
• Xullo 2016: A federación de ANPAS Costa da Morte fai balance do ano académico.
• Xuño 2016: Versos como balas contra a LOMCE.

Fonte

• Redacción de QPC ([email protected]).