Tiña cita importante a asemblea comarcal do BNG de Bergantiños o pasado venres. A orde do día incluía a renovación do Consello Comarcal, e a equipa aprobaba por unanimidade a candidatura liderada por Xosé Regueira, actual concelleiro de Promoción Económica de Carballo e responsable de Cooperación, Plans provinciais xerais, Asistencia a municipios, Turismo e Patrimonio histórico-artístico na Deputación da Coruña.

Regueira, abalado por unha longa experiencia e capacidade de xestión, pediu “compromiso” á militancia ao tempo que sinalou que o camiño é “abrir a organización á sociedade bergantiñá para iluisonar á cidadanía”.

Segue o BNG, a nivel estatal, en profunda renovación, co proceso “Adiante” como folla de ruta, “un proceso de refundación que ten como obxectivos, a un ano vista, a actualización do discurso do proxecto do BNG, a recuperación do pulso social e o ensanchamento da base social do nacionalismo”.

Xosé Regueira presentou unha candidatura paritaria, con representación dos diferentes concellos bergantiñáns e cun importante peso específico de Carballo. Como consecuencia, a composición do consello comarcal do BNG é a seguinte:

• Xosé Regueira, portavoz.
• Xulia Mira, viceportavoz.
• Benedito Viña, responsable de finanzas.
• Maica Ures, responsable de muller.
• Marcos Trigo, responsable de organización.
• Zaira Caamaño, responsable de mocidade.
• David Rodríguez, responsable de política medioambiental.
• Inés Rodríguez, responsable de política municipal.
• Xoán Sande.
• Carolina Castiñeiras.
• Paco Souto.
• Begoña Moscoso.
• David Cancela.
• Lucía Veciño.
• Carlos Penedo.

Novas relacionadas

• O BNG propón maior pluralidade poítica para os entes comarcais da ría de Muros.
• O BNG da Costa da Morte renóvase.
• Manuel Antelo asegura que “o BNG desprazouse deixando fóra a moita xente”.

Fonte

• Redacción de QPC ([email protected]).