Ainda coas boas impresións despois de que a Semana Santa deixase máis de 3.300 visitas, o faro Vilán estrea o vindeiro domingo - 1 de maio - unha nova exposición de pinturas e de esculturas que se poderá visitar durante o mes de maio en horario de 11 a 14 horas e de 15:30 a 20 horas. Xesús Franco, de profesión mariño mercante, é o autor da mostra de pinturas que leva por título "Mulleres". Ademais é escritor - fundamentalmente poeta-  con once libros publicados e ten unha longa experiencia en radio e prensa. Gústalle pintar e fixo numerosas exposicións en Galicia e Portugal. "Mulleres" son retratos ficticios. Mulleres que son e non son. Pola outra banda, Tino Canicoba, nado en Compostela, é autor da parte de esculturas da mostra que leva por título "O balcón do infinito". Canicoba fórmase artisticamente nas escolas de arte de Zaragoza e A Coruña, licenciado en Artes Aplicadas pola Escola Pablo Picasso da Coruña fai exposicións individuais e colectivas en Compostela, Vigo, Pontevedra, Lugo, Ourense, Girona, Por de la Selva (Girona) Ampurias (Girona), Salvaterra, Madrid, Andújar (Jaén), Valdepeñas, etc. Foi finalista nos certámenes de Tui, Lugo, Andújar, e nos internacionais de Villa de Madrid e Valdepeñas.Primeiro e segundo premio no II e IV certamen de Artes Plásticas de Tui Primeiro e segundo premio no VI e VII certamen de Artes Plásticas de Lugo Primeiro premio I certamen Aycon (Vigo). A asociación de empresarios e Promoción Turísitca de Camariñas é a encargada de xestionar o faro Vilán.

Novas relacionadas

• 08-01-2016: 120 anos do Faro Vilán
• Decembro 2015: Os visitantes do Faro Vilán medran nun 20% dende 2013.
• Novembro 2015: O aumento de visitantes refrenda ao Faro Vilán como exemplo de xestión turística.
• Setembro 2015: Coruñeses e madrileños, os que máis visitan o Faro Vilán.
• Outubro 2014: O Faro Vilán representa o aumento de visitantes na Costa da Morte.
• Oficina de Turismo: Pechada por vacacións.
• Ollando unha Galiza en Branco e Negro dende o Faro Vilán.
• Os empresarios de Camariñas reciben axuda para seguir dinamizando o Faro.
• O Cabo Vilán déixase pintar.
• A actividade cultural no Faro Vilán permite aumentar nun 40% o número de visitantes.
• O Vilán, o Faro dos Faros.
• Un ano de actividades no Faro Vilán cos Empresarios de Camariñas.

Fonte

• Redacción QPC ([email protected])
• Asociación de Empresarios e Promoción Turísitca de Camariñas