Esta noite de domingo 10 de novembro de 2013, fixo 123 anos daquela fatídica noite, na que o barco acoirazado da mariña británica, o Serpent, afundía diante da costa de Camariñas. Unha noite na que falecían 172 dos 175 tripulantes, e que permancería no noso recordo ata os nosos días.

O simbolismo deste episodio lémbrase coa creación do Cemiterio dos Ingleses, e dende hai uns anos, lémbrase tamén cunha emotiva homenaxe tremendamente emblemática.

Ás 22:30h de onte, en plena noite pechada, un cententar de bravos amantes dos naufraxios e da historia da Costa da Morte, se achegaba ao lugar. Convocados dende hai 5 anos polo escritor Juan Campos e do delegado da Real Liga Naval Española en Galicia, José Manuel Pato González, e coa colaboración do Concello de Camariñas, procedíase a ler unha palabras de admiración, así como fixeron a tradicional ofrenda floral.

As bágoas saltaron ao escoitar o relato “As Flores da Memoria” que forma parte do novo audio para móbiles “Ruta dos Naufraxios”, que dá información sobre 63 naufraxios e 4 puntos de interese situados na costa camariñá. Ademais, houbo tempo para a música, e o “Coro Municipal de Abrandares de Camariñas” mesturou as súas voces co son da ondada, cantando “O Serpent” e “A roupa do mariñeiro”.

Máis información

• O Serpent no blog “Ruta dos Naufraxios”.
• O Cemiterio dos Ingleses na revista Significant Cementeries.

Novas relacionadas

• Homenaxe ao Serpent 2012: Violíns nocturnos para homenaxear o naufraxio do Serpent.
• Homenaxe ao Serpent 2011: Unha homenaxe ao Serpent desafiando o temporal.
• Homenaxe ao Serpent 2010: Unha ollada dende dentro á homenaxe polo 120 aniversario do Serpent .
• Homenaxe ao Serpent 2010: A conmovedora homenaxe ao Serpent xa é unha referencia na Costa da Morte.
• Homenaxe ao Serpent 2009: Sembrando os cimentos dunha homenaxe aos mortos do mar.
• Homenaxe ao Serpent 2008: O Cemiterio dos Ingleses acolleu unha romántica homenaxe aos mortos do mar.

Recunchos da Costa

• O Cemiterio dos Ingleses.

Novas de naufraxios

• Os mapas de naufraxios de Pepe de Oleghario. Uns verdadeiros tesouros.
• Non ao Museo subacuático da Costa da Morte.
• Cando naceu o nome da “Costa da Morte”? Un estudio de Rafael Lema.
• Os Naufraxios da Costa da Morte protagonistas dunha documental de Cuarto Milenio.
• Os 500 naufraxios da Costa da Morte.
• Costa da Morte, marco perfecto para o Necroturismo.
• Violíns nocturnos para homenaxear o naufraxio do Serpent.
• As anécdotas de 454 naufraxios na Costa da Morte nun libro.
• O Naufraxio de Laxe celebrou a súa declaración como Festa de Interese Turístico con máis emoción que nunca.
• Lema Suárez estréase coa súa primeira novela de piratas “Costa do Solpor”.
• 4 novos tesouros en forma de pecios na augas da ría de Corcubión.
• Pepe do Fieiro: “Dicían os nosos vellos…”.

Fonte

• Redacción de QPC ([email protected]).