Xa non son aquelas celebracións tremendamente simbólicas que a Real Liga Naval Española realizaba cada 10 de novembro ás 22:00h da noite no Cemiterio dos Ingleses. Agora a RLNE homenaxea o dramático naufraxio do torpedeiro ‘HMS Serpent’ na Punta do Boi en 1890, cunha cea e cunha ofrenda floral pola tarde.

Tamén o Concello de Camariñas quixo lembrar a data na que pereceron 172 triplantes do buque. Sandra Insua, Sergio Caamaño e Begoña Tajes achegáronse ao Cemiterio dos Ingleses, para realizar a tradicional ofrenda floral. Aproveitaron para colocar dúas placas polos naufraxios do Iris e o Tinacria, pois tamén no Cemiterio dos Ingleses, que xa forma parte da ‘European Cemiteries Tour’ están os restos dos mariñeiros falecidos nestes dous naufraxios.

Exposición da RLNE en Muxía

Se a comitiva municipal foi pola mañá ata o cemiterio, pola tarde tocoulle á delegación provincial da Real Liga Naval Española, que por certo, celebrará a súa cea de gala anual no Parador o vindeiro sábado 18. O delegado provincial, o porteño Rafael Lema, e os escritores Juan Campos Calvo Sotelo e Alfonso de Sás, autores de libros sobre a traxedia, serán os protagonistas do acto.

Ademais, día 24 deste mes terá lugar outro acto na Serpent Barometer House, un edificio situado no peirao de Camariñas, restaurado este ano como hotel e restaurante e que conserva un barómetro inglés obsequiado pola raíña Vitoria de Inglaterra ao pobo de Camariñas pola súa axuda aos náufragos e no rescate de cadáveres do suceso. O acto do día 24 terá lugar así a inauguración da exposición “Camariñas nos tempos da Serpe”, con documentos da época, información informativa e un escaparate coa colección bibliográfica do vicecónsul de Inglaterra en 1880-90 José María Patiño Pardiñas recuperado pola delegación provincial da RLNE. Estará aberta ata finais de ano.

Máis novas do Serpent