Xoves. 05.08.2021
El tiempo

Camariñas prepárase para as súas festas do Carme

Xosé Luís Blanco Campaña será nomeado Camariñán de Honra
Xose Luis Blanco Campana Camarinas de Honra 2021
Xose Luis Blanco Campaña é o Camariñán de Honra 2021
Camariñas prepárase para as súas festas do Carme

Co San Pedro da Ponte do Porto xa case en marcha, Camariñas ponse o traxe para as Festas do Carme. A Asociación Cívica, Cultural, Deportiva e Recreativa (ACCDR) “Virxe do Carme de Camariñas” prepara un completo programa, e agradece a colaboración inmensa do pobo de Camariñas, do seu concello, da confraría, e dos grupos de gaitas Abrindo o Rejo, Vaiche Boa e Con Todo en Banda.

As actividades céntranse na fin de semana do 16 e 17 de xullo. O venres 16 de xullo arrincan coa tradicional alborada a cargo da banda de gaitas Abrindo o Rejo e unha banda de música. Non faltará a Danza de Arcos acompañada polos grupos de gaitas Con Todo en Banda e Vaiche Boa. Nin, por suposto, a Homenaxe aos mariñeiros falecidos no último ano, diante da imaxe do Carme do Paseo Marítimo. De feito, se as autoridades sanitarias o permiten haberña procesión ata a Praza do Mercado.


Unha das actividades preferidas é a Procesión Marítima coa ofrenda floral aos homes e mulleres que perderon a vida no mar, cunha gran traca ao retorno. A Sesión Vermut a cargo da Charanga Mekánica Rolling Band e ao longo da tarde haberá actuacións itinerantes da charanga Louband e do dúo D´Festa.

O sábado 17, despois das alboradas, a danza de arcos e a misa, toca Sesión Vermut a cargo da charanga O Rumbo de SAardiñeiro e actuacións itinerantes pola tarde co dúo D’FESTA.

Camariñán de Honra 2021

A entidade acordou nomear Camariñán de Honra a Xosé Luís Blanco Campaña. Un recoñecemento por ter defendido e difundido os valores camariñáns ao longo da súa traxectoria, na que desenvolveu as profesións de xornalista, escritor, locutor de radio, presentador de televisión e mesmo de compositor galego.

Novas relacionadas

comentarios