Xa é a terceira vez que o alcalde presenta os documentos do PXOM de Camariñas no rexistro da Xunta. Pero agarda que desta volta sexa a defintiva. Onte, 12-12-12, tiña lugar a aprobación no pleno do PXOM, coas últimas modificacións que esixía a Xunta, un pleno algo máis calmado do agardado. Un PXOM aprobado cos votos a favor do grupo de goberno, PSOE, e a abstención do PP.

Foi o voceiro do PP Daniel Rego o que máis rebatiu o texto, centrando as súas críticas na desfeita urbanística de este últimos anos asumindo que a culpa "foi de todos". Pero instou ao goberno a abrir as portas e amosar o proxecto aos veciños.

Pola súa banda, o Alcalde sinalou que "o importante e mirar para o futuro".

Así, trala aprobación en pleno celebrado as 10 da mañá, o Alcalde de Camariñas, Manuel Valeriano Alonso, Pichurri, volvía ás Dependencias da Xunta para entregar o documento no rexistro.

Máis información

• Camarinas.net: PXOM: Plan Xeral de Ordenación Municipal do Concello de Camariñas.

Novas relacionadas

• 17-04-12: Segunda aprobación do PXOM de Camariñas.
• 18-04-11: O PP camariñán califica de “apresurada” a entrega do PXOM.
• 14-04-11: O alcalde de Camariñas entrega o PXOM á Xunta.

Fonte

• Redacción de QPC (info@quepasanacosta.gal).