Camariñas, en risco de epidemia de tuberculosis ante a pasividade do Sergas
![epidemia turberculosis en camarinas](/asset/thumbnail,992,558,center,center/media/quepasanacosta/images/2019/05/01/2019050108101187332.jpg)
Camariñas vive estes meses en cuarentena. Veciños da zona aseguran que pode haber uns 50 casos de tuberculosis pulmonar (TB), unha cifra absolutamente fóra do normal para unha poboación como a da vila do encaixe. Medio pobo xa se tivo que facer as probas despois de que arredor de unha ducia de nenos (tanto do colexio como do instituto) e unha trintena de adultos deran positivo.
Cifras que, segundo especialistas na área sanitaria, fan que o a situación pase de brote case que a epidemia, mentres o Sergas, que si que enviou un médico de medicina preventiva a raíz do primeiro caso, non fai ningún chamamento á responsabilidade da veciñanza, non dá información nin parece facer ningún traballo de prevención na zona, máis alá de ir analizando os círculos máis cercanos a cada caso positivo.
”Hai moita cantidade de afectados, isto é fóra do normal, non sei como non toman medidas”, valora unha veciña afectada.
2 meses en “cuarentena”
A nai dunha nena, de 13 anos, afectada, cóntans como está sendo a enfermidade. “Agora está ben, pero durante un par de meses afectoulle bastante, non comía, adelgazou, non tiña forzas… Ela dicíanos que estaba sempre cansada, pero claro, pensabamos que era a típica cousa de adolescente. Pasou un mes e leveina ao pediatra o 20 de novembro, e dixo que era un proceso gripal. Pero como seguía con tos, e aínda cansada, o 15 de decembro, leveina ao privado e xa me dixeron que era tuberculosis. Ingresou o 28 de decembro no materno, e estivo 6 días ingresada. A partir de aí, estivo 2 meses aislada, sen saír da casa, sen ir ao instituto, sen facer deporte nin nada… e con mascarilla para facer calquera cousa…”, explica a nai.
Proceso
A tuberculosis é unha enfermidade que xera moita alerta, pero contaxiarse non é tan sinxelo como parece, a pesar de ser a través do aire (nunca da saliva ou outros fluidos). É segundo fontes sanitarias, é unha enfermidade que podería estar erradicada, e seguramente se mantén aínda activa porque a xente non cumple os protocolos. En todo caso, a zona de Camariñas é unha área historicamente tendente á tuberculosis. “Galicia é unha zona endémica, pero Camariñas concretamente, aínda máis”, sinalan varios profesionais.
Non todos os casos teñen a mesma gravidade, e non todos os positivos obrigan a pasar unha cuarentena tan grave como a desta rapaza. De feito, estar en contacto continuo cunha afectada non implica ter que contaxiarse, e dar positivo na proba demostra que estiveches en contacto con esa bacteria pero non quere dicir que teñas a enfermidade nin que a poidas contaxiar.
Cómpre pois apelar á responsabilidade das familias á manter os protocolos de actuación, pois a partir de 5 anos xa poden contaxiar, polo aire, esta enfermidade.
Novas relacionadas
- Como é o estado de saúde do servizo de pediatría en Cee?.
- “Somos o único Hospital do SERGAS que non ten celadores”.
- Un novo paro de 15 minutos polo Día Mundial da Atención Primaria.
- Unha regueifa escolar contra os recortes en pediatría. As baixas de profesionais de Atención Primaria agrava a crise sanitaria na Costa da Morte.
- O SAE reclama a regulación de contratación no HVdX.
- As baixas de profesionais de Atención Primaria agrava a crise sanitaria na Costa da Morte.
- 14-03-19: A Xunta reiteira que a Costa da Morte ten pediatras de sobra,
- 13-03-19: Os mércores ao sol… e contra os recortes en sanidade.
- A falta de pediatras, o insán costume do sistema sanitario galego.
- 2017: Denuncian de novo o desmantelamento paulatino de servizos do HVdX.
- 2017: Denuncian a nefasta xestión da cafetería e da cociña do Hospital Virxe da Xunqueira.
- 2014: Por un segundo pediatra para Cee e Corcubión.