Dúas novas citas para engradecer o sendeirismo na Costa da Morte

Se o programa Primavera en Ruta de Senda Nova aproiveita este domingo 27 para coñecer a Forza do Río Chonia, no Concello de Trazo, as Andainas e o Camiño dos Faros non escapan das nosas fronteiras. Polo que teremos dúas novas citas para engrandecer a nosa pasaixe a través do sendeirismo. E a ver se por fin, as administracións se centran en apoiar estas iniciativas, este tipo de turismo.

Comezamos a golpe de sábado 26 e o facemos por Ponteceso, onde saben que a divulgación 2.0 dos Camiños do Mar é finalista duns premios europeos sobre coidado patrimonio. Desta volta, e no marco de Andainas “Coñece a Costa da Morte”, que percorren 8 concellos da bisbarra, realizaremos a Ruta Aventura polo Anllóns.
Trátase dunha ruta circular de aproximadamente 12 km que descorrerá na súa primeira parte pola ribeira do río Anllóns e que nos permitirá gozar de paraxes tan bonitos coma a Saímia.
Hoxe, xoves, é o último día para anotarse.

Xa o domingo 27 poderemos participar na 5ª etapa do Camiño dos Faros, que unirá Arou e Camariñas por unha das pistas máis espectaculares da bisbarra. Santa Mariña, o Monte Branco, as praias do Trece e do Reira, o Cemiterio dos Ingleses, o Cabo Vilán, a praia do Lago, o Castelo do Soberano… un verdadeiro tesouro de ruta.

Ademais, como na edición anterior, na etapa deste domingo os trasnos poderán disfrutar e aprender cunha charla de Rafael Lema no Cementerio dos Ingleses. Rafael é delegado na Costa da Morte da Real Liga Naval Española e autor do libro "Costa da Morte un país de sueños y naufragios". Ninguén mellor ca el para contar o naufraxio do Serpent e a orixe do nome de Costa da Morte.

Outra das paradas será o no Faro Vilán, onde Cristina Fernández, fareira do Vilán dende 1977 e unha das primeiras mulleres fareiras deste país, contará aos trasnos a historia deste faro e as anécdotas que leva vivido nesta súa casa. Outro luxo para O Camiño dos Faros.

Serán 23,5 km, e a saída en bus será do porto de Camariñas ás 9:00h, para que a volta, arredor das 19:30h, os coches estean esperando. Pero para os que queiran, tamén haberá pre-etapa, que os trasnos non paran!

Novas relacionadas

• A Costa da Morte venera o sendeirismo.
• Sendeirismo con conciencia.
• Limpando praias e conciencias.
• Senda Nova segue o roteiro do sendeirismo co programa Primavera en Ruta.
• Nin a chuvia pode cuns trasnos que intentarán facer o Camiño dos Faros en 48 horas.
• As Andainas toman o relevo de Traski para vertebrar a pé a Costa da Morte.
• A divulgación 2.0 dos Camiños do Mar, finalista duns premios europeos sobre patrimonio.
• De Camiño dos Faros cos trasnos milenarios.
• Os trasnos fan Costa da Morte de marca en marca.
• O Camiño dos Faros estrea nova web.
• Traski envía unha carta de unión e eficiencia ao sector turístico da Costa da Morte.
• Os trasnos rompen marcas na terceira edición do Camiño dos Faros.
• Os trasnos crean a Asociación Camiño dos Faros.
• A Costa da Morte segue lonxe dos primeiros destinos de Galicia.
• A FITUR coñece unha ducia de Costas da Morte.
• Presentado o ente turístico que xestionará o xeodestino Costa da Morte.
• Costa da Morte, unha das zonas máis virxes de España.

O Camiño dos Faros por etapas

• 8ª etapa do Camiño dos Faros: Os trasnos remataron de unir a Costa da Morte polo Camiño dos Faros.
• 7ª etapa do Camiño dos Faros: O Camiño dos Faros non para.
• 6ª etapa do Camiño dos Faros: O Camiño dos Faros faise máis que real.
• 5ª etapa do Camiño dos Faros: A imaxinación vai a pé.
• 4ª etapa do Camiño dos Faros: O Camiño dos Faros xa non ten volta atrás.
• 3ª etapa do Camiño dos Faros: Os camiñantes vertebraron a Costa dende Ponteceso a Camariñas pasando polo Monte Pindo.
• 2ª etapa do Camiño dos Faros: Os camiñantes foron unha fin de semana máis os protagonistas.
• 1ª etapa do Camiño dos Faros: O Camiño dos Faros ábrese ao mundo.
• Percorrendo a pé, e con Traski, o Camiño dos Faros da Costa da Morte.

Fonte

• Redacción de QPC (info@quepasanacosta.gal).