Tremenda a actividade extraescolar a deste ano do IES Pedra da Aguia da Ponte do Porto. E nonnos estrana que siga recibindo premios. A semana pasada quedaban campións galegos de oratoria, e hoxe, a Xunta felicitaba ao alumnado do centro tras convertirse no equipo gañador da Comunidade Autónoma de Galicia da XXIV edición do concurso Euroscola. Nada menos que 240 foron os equipos educativos de toda España os que participaron nesta iniciativa pedagóxica organizada pola Oficina de Información do Parlamento Europeo en España, en colaboración coa Representación en España da Comisión Europea, a Secretaría de Estado para Asuntos Europeos e a Secretaría de Estado de Cultura. Deles, só 15 participarán na sesión de Euroscola que se celebrará na sede do Parlamento Europeo en Estrasburgo (Francia). Os camariñáns recibirán como premio por parte da Administración autonómica unha fin de semana de ocio educativo nunha instalación do departamento autonómico e unha mochila con material didáctico. So formado por 10 mozos e mozas de 3º de ESO e polo profesor coordinador, Jacobo Santos. O equipo galego gañador, formado por 10 mozos e mozas de 3º ESO e e polo profesor coordinador, Jacobo Santos, ademais do referido premio, recibe da Dirección Xeral de Xuventude, Participación e Voluntariado como premio unha fin de semana de ocio educativo nunha instalación do departamento autonómico e unha mochila con material didáctico. Así mesmo, tamén recibe varios estoxos de material escolar e didáctico outorgados polo Instituto da Xuventude de España, pola representación da Comisión Europea en España, o Ministerio de Educación, Cultura e Deportes e a Plataforma do Voluntariado en España.

Ano Europeo do Patrimonio Cultural

Esta edición estivo centrada na celebración no 2018 do Ano Europeo do Patrimonio Cultural, cuxo lema é O noso patrimonio: onde o pasado se atopa co futuro. O obxectivo desta convocatoria foi reflexionar cos mozos e mozas sobre o que significa o patrimonio cultural europeo. O patrimonio cultural une a través da súa historia e os seus valores comúns. Non só é un valor do pasado, tamén nos axuda a crear o noso futuro como europeos e atopar camiños comúns de entendemento e unión. Para elo, os participantes debían elaborar un vídeo cunha duración máxima dun minuto e medio. O proxecto gañador realizado polo equipo do IES Pedra da Aguia centrado no Faro Vilán e no encaixe de Camariñas:

Novas relacionadas

https://quepasanacosta.gal/os-peques-de-1o-eso-do-ies-pedra-da-aguia-campions-de-oratoria/ https://quepasanacosta.gal/unha-visita-literaria-no-ies-pedra-da-aguia/ https://quepasanacosta.gal/alumnado-do-ies-pedra-da-aguia-debate-na-deputacion-sobre-o-futuro-de-europa/