O mal tempo obriga a aprazar o musical Keltia previsto dentro da Mostra do Encaixe

O mal tempo obriga a aprazar o musical Keltia previsto dentro da Mostra do Encaixe

14:35 25/03/16

O concello de Camarinas reconceu o traballo da asociacion de palilleiras Rendas

O concello de Camariñas reconceu o traballo da asociación de palilleiras Rendas Estaba previsto que esta noite se presentase en Camariñas, como unha actividade paralela á Mostra do Encaixe, o musical Keltia máis a organización decidiu aprazar a cita para o 13 de agosto debido ás malas condicións metereolóxicas que se esperan para esta tarde-noite e que adiantaran en 4gotas.com. Aínda así a mostra continúa aberta hoxe durante todo o día e ata o domingo. Centos de persoas visitaron onte o recinto feiral da Mostra do Encaixe sendo un "abarrote total" en varios momentos do día. As colas para asistir aos desfiles de recoñecidas firmas e dos deseñadores noveis foro a tónica dominante en todos os pases que, segundo indica a organización, foron os grandes atractivos da xornada de onte. O encontro das encaixeiras tamén bateu marcas, xa que congregou a unha duascentas palilleiras chegadas dende diferentes puntos da comunidade. Ata alí desprazouse o equipo de gravación do filme Sicixia - que remata hoxe en fisterra a súa rodaxe na Costa da Morte - para recoller o tintineo dos palillos que resultou "complicado" debido á numerosa cantidade de xente que visitou a mostra. Outro dos atractivos da xornada de onte foi o encontro de bloggers que reuniu a varios expertos do mundo da moda; Yolanda Álvarez, conocida como nosinmiyoli; Andy González, de yourfashionmoment.com; Fátima García Cebreiro, de fa-shionomy.com; Raquel Dosil, de mysweetpeque.com; e Raquel Gamallo, conocida como mividaentretelas, e o seu fotógrafo Mariano Cid. Durante a xornada de onte tamén se presentou o Camiño dos Faros, que vén de poñer en marcha a súa 6ª edición. Sofía Agrafojo, socia da organización, e Manuel Alonso, alcalde de Camariñas, eloxiaron esta iniciativa polo seu traballo de divulgación sobre unha ruta de sendeirismo ata o de agora descoñecida. Recoñecementos O concello de Camarillas aproveitou este certame para agradecer o apoio das numerosas entidades e persoas que fan posible, ano tras ano, a celebración da Mostra do Encaixe. Así, recoñeceu cunha insginia de prata e un diploma o traballo da asociación de Palilleiras Rendas, que cumpren 25 anos de vida; Andrés Cerdeiras, de Industrias Cerdeimar; Luis Canosa, de Frigoríficos de Camariñas; e Stolt Sea Farm. O mesmo recoñecemento foi para os alcaldes de Novedrate - Italia - e Peniche -Portugal -, localidades irmandadas con Camariñas; a artesana italiana Ernestina Marelli, que leva 25 años ininterrumpidos representando a Novedrate na Mostra do Encaixe de Camariñas, e a título póstumo, para o exalcalde de Novedrate Mauricio Barni, que faleceu recentemente. O concello entregará novos diplomas de recoñecemento a outras entidades e persoas que axudaron a poñer en valor o encaixe de Camariñas. Novas relacionadas