Xa está aquí o Torneo Internacional de Xadrez Entre Faros. Si, un auténtico nivelazo para un deporte que crece a pasos axigantados na zona. I é que non tódolos días acollemos un torneo cos mellores do mundo nos nosos emblemáticos faros. Con base en Muxía, no mesmo Cabo Touriñán, o xadrez estase a convertir nunha referencia costeira, e aproveitando o simbolismo dos Faros e da propia bisbarra, Santiago Pérez Haz consegue traer 5 mestres mundiais ata este curruncho do mundo.

Serán 2 semanas enteiras de xadrez ao máximo nivel mundial alternando os Faros de Fisterra, o Vilán e a Biblioteca Municipal (mágoa que o Faro Touriñán non estea listo para recibir un evento así). Ademais, haberá unha completa serie de actividades paralelas para facer do torneo un verdadeiro evento social.

Estrelas na mesa e tralo micro

Pasarán polas mesas estrellas do mundo como o ourensán recente campión de España Iván Salgado, o cubano Lázaro Bruzón, o húngaro Richard Rapport, o búlgaro Iván Cheparinov e o mexicano Julio Granda Zúñiga.

E se na mesa estarán grandes mestres, para contalo Santiago, coa colaboración dos tres concellos implicados, conseguíu a participación do máis coñecido e reputado comentarísta de xadrez de todo o estado. Leontxo García, tras máis de 40 anos informando sobreo mundo do xadrez, chega a Fisterra para comentar as partidas, e dar unha charla sobre "Ciencia e xadrez". Teremos as orellas ben abertas.

Este sábado arrinca en Fisterra

Sen ben hoxe e mañá irán chegando moitos dos mestres, este sábado 5 de outubro o Torneo arrinca no Fato Fisterra. Ás 11:00h terá lugar a presentación no Salón de Actos do Concello de Fisterra. Ás 17:00h no propio Concello poderemos disfrutar da actuación dos “Increíbles” (do programa de Antena 3)Ademais, Antía Martínez tamén terá o seu momento cunha charla sobre os Faros e a Memoria.

Atentos os amantes, que as partidas cos grandes mestres xa comezarán ás 15:00h no Faro fisterrán.

Para o domingo, ás 12:00h, como dixemos, charla co xornalista Leontxo García Olasagasti “Ciencia y ajedrez”, no Salón de Actos do Concello.

Tan o máis importante será a visita do luns 7 de outubro, cando os mestres farán unha visita polos colexios de Fisterra baixo o lema "Aprendendo a xogar ao xadrez". O propio luns continúan as partidas a partir das 15:00h no Faro.

Actividades paralelas

Máis información

• chessfaros.blogspot.com.es.

Novas relacionadas

• 5 Grandes Mestres Mundiais participarán no Torneo Internacional de Xadrez Entre Faros.
• Coñecendo mundo a través do xadrez.
• O xadrez muxián invade toda Galicia.
• A semente do xadrez prende en Muxía que xa conta con dous clubes.
• Unha festa deportiva para pechar o 1º Circuito de Xadrez da Costa da Morte.
• O tenis de mesa pechou unha exitosa I Liga Intermunicipal cun gran ambiente e vitorias corcubionesas.
• A xogada mestra (XXVIII): O reMate con Garri Kasparov.

Fonte

• Redacción de QPC ([email protected]).