Os populares critican que o PSOE manteña como alcalde a Pichurri tras ratificarse a súa inhabilitación
08:05 21/08/18
O PP provincial asegura que Pichurri "non pode seguir un minuto máis" á fronte do concello de Camariñas
Continúan as críticas despois de que o Tribunal Supremo ratificase a inhabilitación do ainda alcalde de Camariñas, Manuel Valeriano Alonso, "Pichurri". Nesta ocasión é o vicesecretario do PP na provincia da Coruña - Evaristo Ben - quen critou á dirección dos socialistas coruñeses á que acusou de "presumir e intentar dar leccións de rexeneración política" para despois "mirar para outro lado" e manter como alcalde a Pichurri a pesar de estar condeado a catro anos de inahibilitación para cargo público por un delito de prevaricación.
Os populares aseguran que o rexedor "non pode seguir nin un minuto máis á fronte do executivo local". "Estamos ante un feito sumamente grave ao que a dirección provincial do PSOE tería que tomar cartas no asunto. Falan de rexeneración política, de novos tempos, pero logo cando lles toca dar exemplo caélles a careta", sinala Evaristo Ben. Neste sentido, o visecretario xeral dos populares cargou contra González Formoso ao que acusou de "esconderse e de poñerse de perfil" ante unha situación na que "non caben medias tintas".
Por outra parte, ante a decisión do alcalde de Camariñas de presentar un recurso extraordinario ante a Audiencia Provincial, Ben asegura que o rexedor "ten dereito a defenderse como calquera outro cidadán" pero insistiu que ese feito non debe ocultar que "hai unha sentenza firme e que debe dimitir".
Novas relacionadas
https://quepasanacosta.gal/pichurri-apelara-ao-tribunal-supremo-a-sua-ratificada-inhabilitacion/- 29-05-17: Camariñas divídese ante a inhabilitación de Pichurri
- 25-05-17: Convocan unha concentración para apoiar a Pichurri.
- 24-05-17: O PP de Camariñas pide á Secretaria municipal que actúe sobre a inhabilitación do alcalde.
- 12-05-17: O PP de Camariñas esixe suspender do cargo de alcalde a Pichurri tras a condena de catro anos de inhabilitación
- 09-04-17: Esixen a inmediata dimisión de Pichurri como alcalde de Camariñas
- 08-04-17: Pichurri, condenado a 4 anos de inhabilitación por prevaricación.
- Decembro 2016: Operación Orquesta: Aberto o xuízo oral para 6 dos acusados ceeses.
- Febreiro 2016: A UDEF ve indicios delictivos do alcalde de Camariñas na Trama dos Seguros.
- 2011: O alcalde de Camariñas aos xulgados pola contratación por parte do Concello dos seguros da súa empresa.
Máis novas
“Por que non nos importa a imputación dos nosos candidatos á alcaldía?” — Que pasa na costaFonte
- Redacción de QPC ([email protected]).