Xoves. 12.12.2019
El tiempo

Aprendendo a usar as Novas Tecnoloxías

Imaxe do Curso da Fundación Érguete na Aula Cémit do Pazo da Cultura de Carballo realizada por unha das alumnas
Imaxe do Curso da Fundación Érguete na Aula Cémit do Pazo da Cultura de Carballo realizada por unha das alumnas
Aprendendo a usar as Novas Tecnoloxías

Rematou esta semana o curso de Alfabetización Dixital e Habilidades Sociais que a Fundación Érguete e os Servizos Sociais de Carballo impartiron durante este mes de novembro na Aula CeMit do Pazo da Cultural. Unha ducia de participantes formáronse para a busca de emprego, aprenderon sobre as redes sociais e o uso do correo electrónico para encontrar emprego.

Ademais, co ánimo de coñecer de preto os recursos carballeses en materia de inserción, foron ao Fórum de visita e a coñecer as instalacións e as distintas formacións que se ofrecen alí. A responsable da Bolsa de Traballo Municipal de Carballo, así como o director do SEPE e a orientadora laboral explicáronlles as distintas ofertas e recursos que ten o Fórum.

Entre as actividades realizadas viron unha obra de teatro sobre a violencia de xénero e unha charla sobre a seguridade víal na que participou a asociación Stop Accidentes coa participación de unha vítima.

”O curso resultou agradable e permite que se poidan realizar máis accións similares en Carballo. Os formadores do curso explicaban as cousas ben e con paciencia”, explica unha das usuarias.

NOVAS RELACIONADAS

Artigos relacionados

Comentarios