Equipo de Psicólogas de Vieiro que impartiran o programa 2019 Este mesmo luns 14 de xaneiro o equipo de psicólogas da Asociación Vieiro (Eva Periscal, Patricia Rodríguez Villar e Dalila Vizcaíno) comezan a percorrer os institutos de Carballo no marco do programa de Prevención Escolar. O alumnado de entre 12 e 16 anos dos IES Isidro Parga Pondal, Monte Neme e Alfredo Brañas participarán estas semanas os talleres Habilidades Sociais: “Constrúe o teu mundo”, un programa dividido en tres bloques: Primeiro tocará a parte “Acompáñote”, que consta de 4 sesións sobre habilidades persoais e sociais e ten como obxectivo fundamental proporcionar aos alumnos/as as habilidades necesarias para o desenvolvemento da súa vida diaria. ”Des-conecta” serán 2 sesións que servirán para dotar ao alumnado de coñecementos básicos para a utilización das novas tecnoloxías dun xeito saudable e responsable. E a terceira parte, o “Ti elixes”, facilita información sobre as distintas sustancias adictivas ás que os mozos/as poidan tener acceso.

Novas relacionadas

https://quepasanacosta.gal/o-ies-fin-do-camino-diknon-as-drogas/ https://quepasanacosta.gal/vieiro-bebe-saude-na-semana-mundial-sen-alcohol/ https://quepasanacosta.gal/vieiro-informou-dos-seus-programas-as-orientadoras-dos-ies-de-carballo/