Venres. 03.02.2023
El tiempo

As bibliotecas dos centros de ensino carballeses énchense con produto local

Libros de autores carballeses
As bibliotecas dos centros de ensino carballeses énchense con produto local

Alberto Gende, Encher o baleiro, dos irmáns Xurxo e Juan Gende, ou Buño de seu, de María Barca, son algunhas das obras que a Concellería de Cultura está espallando polos centros de ensino. Un feito que repite cada ano, poñendo en valor a cración local para que as escolas e institutos enchan de cultura da casa as súas bibliotecas.

Nos últimos anos teñen entregado a todos os centros de ensino de primaria e secundaria obras de carballeses e carballesas coma Xan Fraga, Alberto Varela, Xurxo Borrazás ou Rosalía Fernández Ríal, entre outros. Pero ademais da promoción da literatura dos nosos creadores, o Concello de Carballo tamén traballa de maneira continuada na difusión do libro e da lectura a través de iniciativas como a Semana do Libro e a Lectura ou a Praza dos Libros, xunto con actividades moi diversas que se desenvolven ao longo de todo o ano nas bibliotecas municipais.
 

comentarios