Concello e empresariado acordan unha proposta para mellorar o proxecto da ampliación do polígono de Bértoa

Os empresari@s amosan a súa preocupación por tres temas

poligono empresarios industria

Reunion Concello Carballo Empresarios Bertoa — A presidenta da asociación de empresarios do polígono, Raquel Rodríguez, e outros membros da xunta directiva como Pablo Rod.; xuntáronse co alcalde, Evencio Ferrero; o concelleiro de Promoción Económica, Xosé Regueira, e a concelleira de Planificación e Estratexia Urbana, Milagros Lantes, ademais do arquitecto municipal, Alfredo Garrote.

Concello e empresariado acordan unha proposta para mellorar o proxecto da ampliación do polígono de Bértoa

07:33 16/03/23

O pasado mes de xaneiro a Xunta informaba aos empresarios como é o proxecto de ampliación do Polígono de Bértoa. Esta pasada mañá de mércores, o Concello de Carballo e o empresariado mantiñan unha xuntanza para acordar os puntos dunha proposta de mellora do proxecto de ampliación do polígono de Bértoa. Ambos grupos coinciden en que o proxecto da Xunta é mellorable, considerando unha necesidade a axilización máxima dos trámites para o desenvolvemento do solo industrial previsto no proxecto de ampliación.

Consideran os prazos “inasumibles”, tendo en conta que apenas quedan 5 parcelas dispoñibles, e que a primeira fase (a máis pequena, de 110.781 metros cadrados) estaría dispoñible, se todo sae ben, a mediados de 2025, e o sector máis grande da ampliación (470.219 metros cadrados) tardaría aínda máis.
Precisamente este martes rematou o prazo para participar no concurso convocado por Xestur, e o día 30 procederase á apertura das proposicións presentadas polas empresas interesadas.

3 temas que máis preocupan aos empresari@s

Dende os empresarios queren enfatizar que se priorice a vocación industrial do polígono, e que as parcelas destinadas no Plan Orixinal a uso comercial, poidar ter un uso mixto que permita que as empresas industriais poidan adquirir esas parcelas.

Outra cousa que subraia o colectivo empresarial é a importancia de que en paralelo á execución da ampliación se executen novos accesos. Agora mesmo só hai 3 accesos, algo saturados para o fluxo actual nas horas punta de entrada e saída.

Así mesmo, piden que se clarifiquen cales son os instrumentos de ordenación, os que teñen que asumir os costes, os prazos e os responsables deses 240.000 metros dese solo que chaman “diferido”.