Dende comezos de ano levan 20 empresas traballando neste proxecto. Unha unión que pretende aportar novas ferramentas para que os nosos sectores económicos máis importantes gañen en competitividade. E trala posta en marcha da marca “Carballo Compromiso Calidade”, “C3”, que distingue xa os servizos de 20 establecementos de hostalería, chega agora o selo de calidade para o comercio.

Despois dun exhaustivo traballo previo cunha profunda análise de debilidades e fortalezas, así como unha selección de 20 negocios que recibiron a visita do “Cliente Misterioso”, este mércores 25 terá lugar a presentación da nova iniciativa no Foro do Comercio de Carballo, unha xuntanza aberta a todo o sector que se celebrará ás 20.30 horas no Fórum.

Os comerciantes que decidan participar terán acceso a un programa formativo que incluirá unha sesión de asesoramento individual e dúas sesións formativas grupais sobre os aspectos que se consideren máis necesarios para darlle máis pulo ao comercio local. Haberá 30 prazas, e a xuntanza do día 25, que comezará ás 20.30 horas no Fórum Carballo, será unha boa oportunidade para que as persoas interesadas recollan toda a información.

Novas relacionadas

• Marzo 2016: 20 empresas arrincan co C3, o selo de calidade propio de Carballo.

Fonte

• Carballo.