Venres. 03.07.2020
El tiempo

Un incendio nun garaxe da Milagrosa calcina un vehículo

Un incendio nun garaxe da Milagrosa calcina un vehículo

Apenas uns días despois do incendio dun vehículo na Laracha, os Bombeiros de Carballo tiveron que volver a acodir a un suceso semellante. Desta volta foi nun garaxe a Carballo, no soto do edificio nº196 da Avenida Milagrosa pero para o que o único acceso é pola rúa Río Tambre.

Saía moito fume por uns ventanais cando chegaron os Bombeiros que entraron e comprobaron que un vehículo estaba ardendo. Procederon á extinción empregando 500 litros de auga e á ventilación do local.

Os Bombeiros descoñecen a orixe do incendio, que queimou case por completo o vehículo e afectou por calor ao vehículo que estaba ao lado. En total había 5 vehículos no interior do garaxe.

comentarios