Martes. 19.03.2024
El tiempo

As meigas tomaron de novo o Monte Neme para reivindicar os valores ecolóxicos, culturais e sociais

Aquelarre das Meigas no Monte Neme
As meigas tomaron de novo o Monte Neme para reivindicar os valores ecolóxicos, culturais e sociais

Espectacular salto o que pegou este ano a celebración do Aquelarre do San Xoán na Eira das Meigas do Monte Neme. Unha festa singular, chea de emotividade, á que sumaron este pasado venres 17 de xuño centos de persoas a prol dos valores ecolóxicos, culturais e sociais.

A Sonpres, Interfilm Carballo, AD Media Ducia, AC San Campio de Cances, e A. V. Protección Civil de Carballo colaboraron para que todo saíse á perfección e que todas as entidades estivesen ben atendidas. Non quixeron faltar á cita convocada por Senda Nova, xentes da Asociación Salvemos o Val da Barcia e Monte Xalo, o Observatorio Ibérico da Minería, a Plataforma Non eólicos Campelo, Bustelo e Monte Toural, a Comunidade de Montes de Oza, a Escola do Alprende, ou mesmo o colectivo cultural Aquelarres Literarios.

Aquelarre das Meigas no Monte Neme 2

Foron os historiadores Xan Fernández Carrera e Xan Fraga os que abriron o acto seguindo a liña do propio artigo que Carrera ten publicado en QPC sobre a recuperación do Monte Neme, ante as continuas batidas industrais que leva sufrido e que poderá sufrir se se aproba o Parque Eólico.

Xa era noite cando a comitiva de meigas, fachos en man, lideraba o ascenso ao mítico círculo lítico, ao cromlech.

Unha vez arriba, a meiga maior foi Isabel Risco, cunha intervención divertida e reivindicativa, chea de natureza e feminismo. Houbo música e festa da man da Escola do Alprende baixo as estrelas.

Aquelarre das Meigas no Monte Neme 2022

Novas relacionadas

Comentarios