Aire fresco para a movida deste verán.. Así catalogan moitos a aparición da promotora costeira Orballo Cultural no panorama musiqueiro da Costa da Morte e de todo o país, amoldando os festivais ao que permiten as restricións. Non é o mesmo bailar suando e apretado en primeira fila, que tararear baixo a máscara sentadiño na túa cadeira a 3 metros dos espectadores máis cercanos. Pero así e todo, o sabor da música pode con todo, e os centos de persoas que se achegaron ao Forum Carballo esta fin de semana así o gozaron.

E iso que a calor fixo mella, e o horario (18:00h) provocou que a zona de sobra se cotizase máis que as mesiñas xeitosas que pon a organización na zona adiantada coas entradas máis caras. Por suposto, agora a música, con estes aforos, tornouse para sempre de pago, a non ser que os promotores sexan as administracións públicas.

Arriba Verto, tomando un cervexa antes do concerto, e tocando; abaixo Maikel Pérez Castro pinchando

Nós comprobamos esta fin de semana que disfrutar é posible, con 3 días de concertos de gran nivel. O venres, Russinha e Sés, nada menos que esta filla adoptiva de Bergantiños que volvía á súa casa, como fixera por primeira vez hai 9 anos para dar Vitaminas ao galego, cada vez máis comprometida coa súa identidade.

O sábado o turno foi para o noso picadiscos particular, DJ Maikel Pérez Castro, que queceu o ambiente con temazos pouco coñecidos para o gran público pero que nos deixaron con gañas de mover as pernas.
Os case 200 espectadores esperaban con ansia ver a Verto. Moita mocidade, moit@ estudante de Compostela que se sabía a letra de cada canción, provocaron que fose un concerto moi íntimo. A naturalidade e o talento deste par de artistas (que calquera día poderían ser o pediatra dos nosos fillos pois son estudantes de medicina), fixo as delicias de todo o “auditorio” con esas bases de Fer, esa guitarra de Berto, e esas rimas “trapeiras” que se nos fan tan familiares a tod@s.

O domingo era hora de Sheila Patricia e Tanxugueiras, outras da protagonistas da vangarda musical contemporánea do noso país, mesturando a música tradicional coas músicas urbanas máis modernas.

Máis paradas

Despois de pasar por Portocubelo, Buño, Baio, o Parador de Muxía, Malpica, Ribadeo, As Pontes, o Náutico de San Vicente… o Orballo aínda se mantén activo ata finais de mes. O 19 de setembro aínda estarán en Padrón con Andrés Suárez, e aínda queda algunha sorpresa máis que tendes que estar atentos ás redes sociais da promotora.Novas relacionadas

Así foi a festa da Carballeira de Baio a finais de agosto, tamén espectacular, nunha desas paraxes cheas de maxia.

 

 

 

 

View this post on Instagram

 

 

 

 

 

 

 

 

 

 

 

A post shared by Orballo Cultural (@orballocultural)

Novas musiqueiras

• A música voltou soar co Orballo Cultural en Portocubelo.
• Tanxugueiras: "Soñamos con que a nosa música se escoite en cada vez máis escenarios”
• Verto: "Queremos derribar esa barreira, cada vez máis superada, de que a música en galego ten un tipo de son establecido"
• Sés, orgullo identitario sobre o escenario suízo
• The Rapants maridan cumbia e psicodelia no novo single autoproducido “La Mítica”
• "A historia das vosas vidas non estará completa ata que non vexades a Monoulious DOP en acústico"

Artigos do Picadiscos Maikel Pérez Castro en QPC

• #SoandoconForza: Uns temas para arrincar setembro.