Volven os contacontos en francés á biblioteca do Rego da Balsa
08:10 25/09/18
Os encontros están organizados pola asociación de Irmanamento de Carballo con L'isle Jourdain en colaboración co concello
As cores foron as protagonistas dun novo contacontos en francés do que puideron gozar os nenos e as nenas de Carballo grazas ao encontro organizado pola asociación de Irmanamento de Carballo con L’isle Jourdain en colaboración coa concellaría de Cultura do Concello de Carballo.
Os espectadores experimentaron en primeira persoa como, mesturando as cores básicas, poden crear outras diferentes. Tamén houbo tempo para cantar, bailar e descubrir as historias de “Mon Papá” e “Zaki le Zèbre”. A actividade está coordinada pola presidenta da asociación, Ana Cancela, quen aproveitou a ocasión para invitar ás familias a participar nas actividades promovidas polo Irmanamento. Tamén participou na actividade Isabel González, nativa de Xenebra.
Ao longo deste ano esta actividade terá unha periodicidade mensual e desenvolverase, como vén sendo de costume, na biblioteca Rego da Balsa de Carballo. As próximas citas son os sábados 20 de outubro, 17 de novembro e 15 de decembro, sempre ás 11:30 horas. O obxectivo desta iniciativa é promover a aprendizaxe da lingua francesa desde idades temperás e ir
alimentando a semente que dará froito ao relevo xeracional. A entidade continúa coas súas actividades anuais orientadas a adultos: café conversación e club de lectura.
Novas relacionadas
- Carballo espalla o virus da lectura
- A Biblioteca Rego da Balsa abre as súas portas aos escolares nun pioneiro programa de visitas guiadas
- A biblioteca Rego da Balsa seleccionada para o premio María Moliner polo seu proxecto de animación á lectura.
- O alumnado dos colexios carballeses visitan a biblioteca Rego da Balsa
- A biblioteca Rego da Balsa ocupa o segundo posto galego en préstamos
- #ABiblioPréstame.
- O edificio dos 100 actos.
- Bergantiños á vangarda tecnolóxica galega.
- Redacción QPC ([email protected])