10 citas festivaleiras para este verán na Costa da Morte
Comeza o verán e as ofertas festivaleiras xa son unha realidade. Así o anunciaba o Derrame Rock este pasado sábado, cuns Heredeiros que avisaban que a van liar, e gorda, en Malpica. Polo de pronto a tempada festivaleira da Axenda Sonora da Costa da Morte comeza este sábado en Vimianzo, cun Asalto ao Castelo vibrante.
E a partir de aí, festa tras festa. Ao longo do verán pasaremos por Razo, por Carnota, por Muros, por Zas, por Fisterra, por Valarés e máis por Carballo, para seguir apostando pola boa música (rock, pop, folk ou electrónica) e loitando contra a ditadura da verbena.
Aquí vai a Listaxe, por orde cronolóxico, de Festivais na Costa da Morte que quedan vivos para este verán de 2012:
XVII Asalto ao Castelo
En Vimianzo, o sábado 7 de xullo con La Requinta da Laxeira, Budiño, La Pegatina e O Sonoro Maxín. Ademais, toda unha semana cultural por disfrutar.
IV Nordestazo Rock
No porto de Malpica, o sábado 14 de xullo con Heredeiros da Crus, ademais dos Dios ke te crew, Moon Cresta e Dj Tono.
VII Sereas e Piratas
Na praia de Razo, en Carballo, para a fin de semana de 20 e 21 de xullo, con deportes náuticos e moita música: Lobishome, La Débil, Joe Crepúsculo, Lagartija Dj, Pony Bravo, Triángulo de Amor Bizarro...
II Beach Party Carnota
A praia de Lariño acollerá os 27 e 28 de xullo no primeiro festival de Música electrónica da Costa da Morte. Os mellores deejais do planeta achegaránse á Costa e ademais terá moita incidencia ao longo do día o deporte acuático.
IX Castelo Rock
Volve o rock ao peirao de Muros estes 3 e 4 de agosto con Trashtucada, Ruxe Ruxe, Medomeda, Skarallaos, Dios ke Te crew, Bodega Bodega, Sonotones e Sozios a la fuerza.
Carballeira de Zas
A estas alturas normalmente xa tiñamos que saber algo, pero este ano o festival folk por excelencia de toda Galicia faise de rogar. Polo de pronto sabemos que será o sábado 4 de agosto. E seguiremos informando.
XIII Festa Folk na Fin do Camiño
A outra cita folk máis importante da Costa celébrase na fin do mundo. A Anchoa, en Fisterra, agarda en Fisterra este 18 de agosto a música de "Estimaba que viñeras", Stolen Notes, Os Tres Trebóns e Chotokoeu.
VI Con V de Valarés
A fermosa praia de Valarés, entre Ponteceso e Corme celebra o seu festivalón o 18 de agosto, con Fuel Fandango, Sex Museum, Grises, Dolores, Rubick, His Majesty the King, David Van Bylen, Antón DJ.
XV Xiria Pop
A Sala Dublín de Carballo acolle os 21 e 22 de setembro de 2012. Este ano con Midnight Woolf, Jonh Paul Keith ou The Brakdowns entre outros.
Asaghieiras Master Festival
Este ano o Festival rock da praia Lariño (xa convertida no cerne musiqueiro da bisbarra) volverá celebrarse nunha xornada e para a fin de semana de despois da Barca. Estaremos atentos ao cartelón, tralo tremendo maratón de 24 horas de música do ano pasado.
Máis información
Novas festivaleiras
- Comeza unha semana cultural chea de historia no Vimianzo Irmandiño.
- Unha viaxe pola historia irmandiña a través do Asalto.
- Beach Party Carnota: Nova cita electrónica da Axenda Sonora da Costa da Morte.
- A Axenda Sonora xa resoa na Costa da Morte.
- Dous días de Festival no IX Castelo Rock de Muros.
- Os Irmandiños xa teñen cartel e actores para Asaltar o Castelo.
- 24 horas de natureza, praia, música, arte en Valarés.
- Moito máis que música no Sereas e Piratas de Razo.
- Malpica “josará” cos Heredeiros da Crus no Nordestazo Rock 2012.
Outras novas
- 3 Locos Costeños a ritmo de rap.
- Os Terbutalina reparten Hostias para todos.
- Unha viaxe, en formato Dogma, á loita do metal con The Gone&Lost.
- Escolma de bandas costeiras – A Axenda Sonora da Costa da Morte segue crecendo.
Fonte
- Redacción de QPC ([email protected]).
