Xoves. 20.06.2024
El tiempo

10 teletraballadores e 6 alumnos do IES Lamas de Castelo únense para presentar “Carnota Conecta”

  • O proxecto Aldeas Remotas leva 21 días no Concello de Carnota e os 10 teletraballadores que viviron esta experiencia colaboraron no reto local: 'Conecta Carnota'.
Emprendedores nomadas do Pueblos Remotos no IES de Carnota
Emprendedores nómadas do proxecto Aldeas Remotas no IES de Carnota
10 teletraballadores e 6 alumnos do IES Lamas de Castelo únense para presentar “Carnota Conecta”

Este pasado xoves pola tarde celebrouse no IES Lamas de Castelo, Carnota, un acto moi especial, onde se presentaron dous actos de gran importancia para o concello: a presentación de 'Carnota Conecta' e a despedida de 'Pueblos Remotos Carnota 2024'.

A presentación de 'Carnota Conecta' foi o prato forte do reto local plantexado para esta edición de Pueblos Remotos Carnota. Este proxecto, que leva 4 meses de traballo desde xaneiro de 2024, liderado por Javier Boquete (líder local do proxecto) centrouse en transmitir aos mozos e mozas locais a importancia e oportunidades do emprendemento e o traballo remoto. Mediante un proceso de formación en emprendemento e creación de proxectos de turismo sostible, dirixido ao alumnado de 4º da ESO, buscamos dinamizar e desestacionalizar a economía local.

O punto álxido desta aventura foi a presentación que fixeron 6 alumnos do IES Lamas de Castelo: Lucía, Alex, Xoán, Xian, Antonio e Aitor, quen, con moita confianza e ilusión, presentaron o proxecto cunha soltura digna de alguen experimentado. 

Ademais, no evento tamén participaron teletraballadores que viviron unha experiencia de 'conexión e inmersión' co territorio durante tres semanas. Tomás, Cecilia, Gabri, José Miguel, Petra, Antonio, Lupe, Kino e Josep compartiron as súas experiencias e falaron sobre como é o teletraballar desde Carnota, así como sobre as actividades que se desenvolven con emprendedores locais como Alicia Vázquez (Ali Vavá), Nacho Porto (Mestre Ceramista) e Alba Fernández (Espazo A Maceta). Resumiron unha experiencia de 21 días que os marcará para toda a vida e da que levan consigo un 'anaquiño' de Carnota e Galicia.

Emprendedores nomadas do Pueblos Remotos no IES de Carnota 2

O acto rematou coa intervención do alcalde do Concello de Carnota, Juan Manuel Saborido Rama, quen destacou a importancia de que a mocidade valore a permanencia en Carnota e xere unha comunidade nova no territorio.

Tecido social no Emprendedores nomadas do Pueblos Remotos no IES de Carnota.jpeg
Tecido político, administrativo e social presentes no evento

Máis novas

Comentarios