Despois do anuncio de dúas das grandes citas da Semana Santa de Carnota (a VII Ruta BTT e a VI Carreira Viquinga), toca espazo para os camiñantes. Xa está aberto o prazo de inscrición para a Andaina polo Museo Arqueolóxico Aberto de Carnota.

Levarase a cabo o sábado 31 de marzo e terá a saída na Casa do Concello ás 10:00. A distancia será de 13 km aproximadamente, cunha dificultade media. É unha ruta circular onde acabaremos no lugar de partida e poder disfrutar da feira de artesanía.

Todos os participantes recibirán un agasallo conmemorativo e un avituallamento. Tamén disporán de duchas no pavillón.

As inscricións realizaranse enviando un email a deportes@carnota.es ou chamando ó 981857032 Ext. 4.

Novas relacionadas

• Febreiro 18: A Semana Santa de Canota xa prepara a BTT e a Carreira Vikinga.
• Víndemo Ver 2017: Houbo que ir ver Carnota por Semana Santa.
• Belén da Crega: “O teatro de rúa será un dos protagonistas do Víndemo Ver de Carnota”.
• Víndemo ver 2015: Os Vikingos e as Bicis tomaron os montes de Carnota por Semana Santa
• Víndemo ver 2014: O Spinning de pesca, a Carreira Viquinga e a BTT encheron de deporte Carnota.
• Víndemo ver 2014: O produto local foi protagonista na Mostra Víndemo Ver de Carnota.
• Víndemo ver 2013: Carnota deixou ver todo o seu potencial artesanal e turístico.
• Víndemo Ver 2012: Un MAR de arte agrícola en Carnota.

Fonte

• Redacción de QPC (info@quepasanacosta.com).