Lira amosou a cara máis amable da Costa da Morte aos socios do proxecto Europeo 2Fish
Un par de días durou este novo encontro do proxecto Europeo 2Fish. Un proxecto no que está inmersa a Confraría de Lira e mais a Fundación Lonxanet, tamén con raíces costeiras, e que busca alternativas económicas para as sociedades mariñeiras.
Así, durante estes mércores e xoves de marzo, estiveron por Carnota adiante un grupo de dinamarqueses, noruegueses, irlandeses e italianos, acompañados polos, desta volta, anfitrións, lirachos. I é que xa realizaron varias xuntanzas nos países participantes.
Segundo nos contan, a Confraría de Lira disputo de todos os elementos, persoas e ata un dous mellores climas que se deron en España durante o pasado mércores. Os visitantes puideron disfrutar da mellor cara da Costa da Morte. Carnota luciu a través de toda a diversidade humana que amosa a súa xente, desde ou chofer do bus, gaiteiros bilingües, alcalde xeneroso, tenente alcalde e secretaria da Confraría O Pindo, médico do ambulatorio, e tamén da gastronomía e servizo por restaurantes de Rastauramar, da mariscadora Pebida tan positiva e entusiasta, de Nacho Porto ceramista... Unha listaxe interminable que mesmo rematou con queimada e conxuro, como nos contan.
Ademais de disfrutar das xentes do lugar, e facer unha ruta por Compostela, os membros da expedición tiveron tempo para xuntarse arredor dunha mesa e compartir experiencias. Xa explicamos que o proxecto busca outras vías de financiamento para economías mariñeiras, e se volveron tratar actividades como o turismo mariñeiro (unha iniciativa que non acaba de arrincar en Lira), pero tamén se trataton temas como a xestión de calidade, a lexislación pesquera, o desenvolvemento de novos produtos pesqueros e a trazabilidade dos mesmos. Cousas como estas integran as sesións de formación que os socios europeos, incluídos a Confraría de Lira, impartirán nos seus respectivos países.
2Fish Project
O Proxecto Europeo, está financiado co apoio do Lifelong Learning Programme da Unión Europea e desenvolvido pola Central Denmark EU Office e Fiskeriskolen (Dinamarca), Nordkapp maritime fagskole (Noruega), AquaTT (Irlanda), Inforcoop (Italia) e a Confraría de Pescadores de Lira e Fundación Lonxanet (España).
Máis información
Novas relacionadas
- Lira acolle o cuarto encontro trasnacional do proxecto europeo de formación 2Fish.
- A Reserva Mariña de Lira sobrevive a base de autoxestión.
- Muros pesca un Ecopez con Lonxanet.
- Fishernet: recuperando o patrimonio cultural mariñeiro dende a Costa da Morte para toda Europa.
- A Fundación Príncipe Carlos recoñece o traballo cara unha pesqueira sustantable da Confraría de Lira.
- A Reserva Mariña expande as súas redes en conferencias e en Festivais de Cine.
- Unha reserva de vida na Costa da Morte.
- Un estudio de futuro sobre a Área Protexida dos Miñarzos .
- Os Miñarzos, o mellor exemplo de pesca sostible para WWF-Adena.
- O futuro da pesca: Un exemplo dende Lira.
Fonte
- Redacción de QPC (info@quepasanacosta.gal).
