A Asociación Monte Pindo Parque Natural collerá de novo o fouciño mañá, sábado 6 de agosto, como xa fixeran anteriormente na Pedra Cabalgada, para seguir abrindo novas posibilidades de explorar todos os misterios do Monte Pindo a través dun novo roteiro. Nesta ocasión, o roteiro que abrirán irá camiño dos Aguillóns, unha inmensa braña á que se sube desde Caldebarcos e cuxo acceso está na actualidade intransitable. Na actividade colaboran os veciños de Caldebarcos a través da asociación veciñal Xurde Caldebarcos e a Comunidade de Montes, sempre tan activos na defensa do seu monte e das súas tradicións Programa A saída será ás 10:00h dende a estrada xeral AC-550 ao seu paso por Caldebarcos, entre os resturantes O Feitizo e Casa da Crega. Nos plans está unha limpeza do camiño durante o transcurso do roteiro. O xantar será na Braña de Aguillóns. Despois de xantar, e antes de comezar a descender, desenvolveranse diversas actividades. Os asistentes deben levar un fouciño ou algún utensilio semellante para o desbroce, e luvas de protección. Ademáis, tamén se recomenda levar mochila con alimentos e bebida. O calzado e a roupa deberán ser cómodos e axeitados ás condicións meteorolóxicas do día. Para confirmar a asistencia, hai tres posibilidades. Polo facebook, a través do enderezo electrónico info@montepindo.org, ou no teléfono 651 376 769.

Novas relacionadas

• O Monte Pindo recibe apoios dende A Coruña.
• O Albariño Valtea promociónase cunha imaxe do Olimpo Celta.
• O Monte Pindo desfrutou dun Encontro con historia, música, gastronomía e deporte.
• O carballo anano do Monte Pindo entra no Catálogo Galego de Especies Ameazadas.
• O carballo anano do Pindo declarado “especie amenazada vulnerable” .
• Monte Pindo: Pasto de cabras ou coto de caza?.
• Quen é o que non quere o Parque Natural Monte Pindo?.

Máis novas

• O Pindo declaroulle o seu amor ó mar a pesar de todos os problemas no sector.
• Os arqueólogos Felipe Senén en Tito Concheiro encontraranse no Monte Pindo.
• A Xunta abre as portas ás piscifactorías en zonas de Rede Natura.
• O veleiro máis luxoso do mundo paseou polas faldas do Olimpo Celta.
• A Xunta non creará nesta lexislatura o Parque Natural Monte Pindo.

Fonte

• Nota de prensa da Asociación Monte Pindo Parque Natural.