Este sábado, 30 de abril, dende as 10:00h Caldebarcos ponse de Romaría. De Romaría nos Muíños, prestando unha homenaxe ós Muíños e ás comidas que teñen que pasar polas súas rodas. Un monumento ás Chulas, ó Bolo Asmo, ós Bolos do Pote, e á Papas de Millo.

Unha cita que organiza a Comunidade de Montes e mais a Asociación de Veciños Xurde de Caldebarcos.

Programa

• 10:00 Recepción en Caldebarcos, diante do Supermercado de Cruces. Indicacións e información da xornada.
• 10:30 Inicio da Ruta guiada polo monte ata os Muíños. Con panorámicas de todo Carnota e do inmenso Pedregal, futuro Parque Natural (Monte Pindo). Camiñamos por terras Rede Natura 2000.
• 14:00 Chegada da expedición ós Muíños. Recepción dos heroes e das heroínas. Comeremos do que dan os Muíños. Todos comemos do de todos.
• 15:30 Pregón de benvida ós asistentes.
• Contos, cantares, regueifas e coplas populares para pasar o serán nos arredores da Raíz do Pedregal.
• Unha xornada de paz.

Novas relacionadas

• Recunchos da Costa: Os Muíños de Vadebois de Caldebarcos. Carnota.
• As festas dos Remedios Novos de Lira comezan cun cheo.
• Carnota acolle unha doble sesión de Trial.
• Xuntanza Cabalar Carnota-Muros.

Fonte

• Información e foto de César Cambeiro.