Volven as Festas para a Ponte do Pilar
A Axenda Costa da Morte continúa moi viva este mes de outubro. Mércores 12 de outubro, festivo nacional que non pasa desapercibido na Costa. De feito, atopamos 3 citas para estes martes e mércores.
Festas do Cristo do Pindo, Quilmas e A Curra
Fantástica a proposta que levan facendo nos lugares de Carnota de compartir festas. Estes días celébranse as festas destes 3 lugares e así poderán traer o martes a 2 orquestras (Master e Samba) e o mércores a Atenas, para sesión vermú e verbena, ademais de amenizar a mañá a banda de gaitas Longarela.
Festas da Trabe da Pilarica
Pola Trabe, en Tella, Ponteceso, van máis fortes. Nada menos que a París de Noia achegarase á bisbarra, esta noite de martes 11, trala actuación da Aché. Par ao mércores, ademais da procesión coa banda de Música Eduardo Pondal, a sesión vermú e a verbena será coa Troco.
Festa da Xunventude de Olveira
Este martes 12, celebrarase a I Festa da Xuventude de Olveira. Contarán coa discotecamovil CDC. Haberá show laser, gogos, acampada gratis na leira do marcos, e se chove haberá festa da espuma e bar da comisión.
Poden ollar todas estas actividades socioculturais da Costa en www.axendacostadamorte.com.
Máis información
Fonte
- Redacción de QPC (info@quepasanacosta.gal).
