1000 firmas por un servizo de pediatría decente para Cee e Corcubión


Denunciabamos en QPC a mediados do mes pasado as queixas dun nutrido grupo de nais e pais afectados pola falta dun servizo de pediatría decente en Cee e Corcubión. Un problema que deixa a 1.500 desamparados nas vilas da comarca de Fisterra, e que ten poucos atisbos de solución. I é que, como contabamos, a baixa da titular da praza lévase cubrindo durante moitos meses con profesionais non especialistas en pediatría.
Esta mañá de luns 7 de abril, o grupo de nais e pais afectados continuaron coa súa particular loita por conseguir un servizo axeitado, entregando no Centro de Saúde de Cee case que 1.000 sinaturas, colleitadas en menos dun mes.
En maio, un pediatra para a praza

De contado o grupo voceiro trasladouse ao Concello de Cee para falar coa alcaldesa, que se comprometera a facer o posible por axudar. Volveu asegurar que a Xerencia de A Coruña afimaba que para o mes de maio haberá un pediatra na praza, unha, dende logo boa nova, pero que dende o grupo de pais e nais afectados queren que “esa persoa que chegue para cubrir esa praza sexa para quedar, que sexa estable no tempo, xa que o único fin de todo esto é que os nosos fillos teñan unha atención sanitaria de calidade e duradera”, segundo nos conta Henar, unha das nais afectadas.
Novas relacionadas
- 26-03-14: Cee saíu unha vez máis á rúa a berrar pola Sanidade Pública.
- 24-03-14: O problema de pediatría de Cee chegará ao Pleno.
- 19-03-14: 1.500 nenos sen pediatra en Cee e Corcubión.
Máis novas
- Artigo de Pablo Vaamonde: A privatización do Sergas.
- A Costa da Morte secunda a mobilización pola Sanidade Pública.
- A Costa organízase contra o repago sanitario.
- Case 4 anos de espera no Centro de Saúde de Fisterra.
- “Non ao recortes sanitarios”.
- 07-03-13: Preocupación veciñal ante a falta dunha enfermeira de pediatría en Muros.
- 24-07-12: Os recortes impiden que Laxe recupere o horario de Pediatría.
Fonte
- Redacción de QPC (info@quepasacosta.com).