A Inspección de Traballo respalda ás traballadoras da limpeza do Hospital
![](/asset/thumbnail,992,558,center,center/media/quepasanacosta/images/2011/11/02/Paron-do-colectivo-de-limpeza-do-HVdX.jpg)
![Paron-do-colectivo-de-limpeza-do-HVdX](Paron-do-colectivo-de-limpeza-do-HVdX-224x300.jpg)
Continúan, como cada mércoras, as protestas do Colectio de Traballadoras da Limpeza do Hospital Virxe da Xunqueira ás portas do centro. E o fan tras coñecer que a Inspección de Traballo vén de comunicar "o inicio dun expediente sancionador por infracción grave contra Limpisa Grupo Norte e a Xerencia ao considerar que vulneraron o dereito á folga das traballadoras/as do servizo de limpeza".
A Inspección considera "probado que os servizos mínimos impostos para as xornadas de folga eran superiores á carga de traballo asignada nas xornadas ordinarias", tal e como se denunciou por parte da representación sindical.
A Inspección entende que esta actuación “constitúe unha vulneración do dereito de folga dos traballadores, polo que se propón o inicio de expediente sancionador por infracción grave”, dando así á razón ás denuncias formuladas polas traballadoras, que tiveron que suspender á convocatoria de folga indefinida ante a imposibilidade de levar a cabo a medida de protesta por mor dos "abusivos servizos mínimos impostos".
Esta resolución favorable ao colectivo de traballadoras vénse sumar á sentenza do Xulgado do Social publicada hai unhas semanas, e que anulaba a orde de servizos mínimos decretada pola Consellaría de Sanidade para os paros parciais do mes de novembro.
Mesa de negociación
Dende o colectivo de traballadoras/es demanda á empresa e á Xerencia que "abandonen a súa actitude inmobilista e promovan a creación dunha mesa de negociación de cara a acadar un acordo para a equiparación efectiva deste persoal co Grupo E do Sergas".
Novas relacionadas
- 02-02-12: Anulados os servizos mínimos esixidos pola Xerencia do Hospital.
- 23-01-12: Continúa aberto o conflito da limpeza no HVdX ante a posible mediación da administración e os “abusivos” servizos mínimos.
- 20-01-12: Nova folga indefinida das traballadoras da limpeza do Hospital.
- 02-11-11: Máis paróns na limpeza do Hospital.
- 05-10-11: “Xerencia escoita, limpeza está en loita”.
- 30-05-11: A CIG pide a equiparación salarial dos traballadores da empresa de limpeza do HVdX cos do SERGAS.
Fonte
- Nota de prensa da CIG-Cee.