Renovouse a Directiva da A.N.P.A. do IES Agra Raíces de Cee, logo de todas as mobilizacións levadas a cabo pola anterior directiva. Pero continúa en pé de guerra ante "a discriminación dos actuais dirixentes da Consellería de Educación, coa supresión de profesorado e recortes importantes para o bo desenrolar da vida da ensinanza de Cee". Os pais e nais levan alzando a voz para tratar de impedir esta discriminación, e "dende esta nova Xunta Directiva farán o imposible para conseguir que o Agra de Raíces continúe sendo un Centro de Ensino de Referencia para os nosos fillos en Cee e no resto da Costa da Morte". Polo de pronto xa están traballando, e como saben que as manifestacións valen máis que mil peticións, despois dos múltiples intentos de comunicación realizados pola nova Presidenta, Rosa Canosa, coa Consellería, xa teñen unha entrevista programada con Inspección Territorial da Coruña da Consellería de Educación. para este xoves 18 de novembro do 2010 ás cinco da tarde na Territorial da Coruña no Edificio Administrativo de Monelos. Para asistir á citada reunión, que polo pactado coa Xefa Territorial, dona Teresa Villaverde, debe de ser a tres bandas (Consellería de Educación, Dirección del Centro e A.N.P.A Raíces) acordouse en Asemblea de Xunta Directiva por urxencia, que a representación da esta A.N.P.A. esté formada pola Presidenta, Rosa Canosa, polo Secretario, Víctor Conde e dúas vogais da Asociación. Agardaremos novas da xuntanza.

Novas relacionadas

• Os Institutos de Cee, Ponte do Porto e Laracha unen as súas forzas.
• As manifestacións dos institutos da zona conseguen unha cita coa Consellería.
• Os centros de Muxía e Camariñas tamén protestan polo recorte no ensino.
• A Costa volve manifestarse contra o recorte no ensino.
• Aumentan as matrículas e diminúen os profesores para o novo curso.
• A directiva do Colexio Os Muíños denuncia a falta de atención da Consellería.
• A Costa participa nun proxecto de integración das Novas Tecnoloxías na ensinanza.
• 02-08-10: Un centenar de persoas reinvindícanse contra o recorte no ensino público na Costa da Morte.
• Con Maruxiña dos Queixos: Non entendo nada!.

Fonte

• Nota de prensa da A.N.P.A. "RAÍCES" da man do seu secretario, Víctor H. Conde López.