Na mañá deste venres 12 de maio déronse a coñecer os ganadores do XXXII Concurso Literario de Achegamento ó Libro e do XIX Na Procura do Noso Marca- páxinas. Un dos grandes certames da comarca que fan que a rapazada estea máis preto do mundo da cultura.

Antes da entrega, o alumnado dos colexios Vila de Cee, Manuela Rial Mouzo, CEIP de Brens e CEIP de Vilarmide, divertíronse co espectáculo educativo Unha galaxia chea de estrelas de A Trastenda dos Contos, no que se fixo un percorrido polos últimos cen anos das nosas letras, centrándose na figura de Francisco Fernández del Riego pero tamén noutras figuras que algunha vez foron homenaxeadas co Día das Letras Galegas.

Unha imaxe de fondo de José Ramón Rey, “Mon”, presidiu o acto de entrega dos premios que el creou hai 32 anos. Debido a unha repentina e grave enfermidade non puido estar fisícamente presente, pero sí no corazón de todos os asistentes. Foi o técnico de Cultura Víctor Castiñeira o que se multiplicou para que todo saíse correctamente.

Foron presentaron 217 traballos, 101 nos concursos literarios e 116 no de marca-páxinas. Cos traballos deste ano logrouse superar a cantidade de 8.000, ó longo destes 32 anos de historia. Por elo, Mon continuaba na súa mensaxe, felicitando a nenos e profesorado por seguir apostando un ano máis por este concurso senlleiro na Costa da Morte. Foi sen dúbida un dos momentos emotivos do acto roto polos aplausos de todos.

Os premios: XXXII CONCURSO LITERARIO DE ACHEGAMENTO Ó LIBRO

A obra gañadora do 1º e 2º Curso de Primaria foi: “O home que non sabía ler” de Breixo Souto García, do Colexio “Manuela Rial Mouzo” de Cee.
Recibindo accésits as obras:
- “Felipe e os libros da súa nenez” de Martina López Cambeiro, do Colexio “Manuela Rial Mouzo” de Cee.
- “Flo e o seu avó” de Manuel Arán Santamaría, do Colexio “Manuela Rial Mouzo” de Cee.

A obra gañadora do 3º e 4º Curso de Primaria foi: “O segredo de Max” de Sira Simón Piñeiro, do Colexio “Manuela Rial Mouzo” de Cee.
Recibindo accésits as obras:
- “O conto dos contos” de José Canosa Rodríguez, do Colexio “Manuela Rial Mouzo” de Cee.
- “A aventura de Catuxa” de Catalina Grace Bowditch Vila, do Colexio “Manuela Rial Mouzo” de Cee.

A obra gañadora do 5º e 6º Curso de Primaria foi: “Xoan, o neno que cambiou o mundo” de Iago Marcote Paz, do Colexio Vila de Cee.
Recibindo accésits as obras:
- “Ler é soñar” de Rubén García Risco Caamaño, do Colexio “Manuela Rial Mouzo” de Cee.
- “O silencio dos abusóns” de Maruxa García Alves, do Colexio Vila de Cee.

XIX CONCURSO “EN BUSCA DO NOSO MARCA-PÁXINAS”,

A obra gañadora foi: “As palabras dun libro iluminan o meu camiño” de Rosario Abelleira Paz, do Colexio Vila de Cee.
Recibindo accésits as obras:
- “Ler é a chave que abre todas as portas” de Fátima Santos García, do CEIP de Vilarmide.
- “O libro adecuado” de Gabriela Villada Ramírez, do Colexio “Manuela Rial Mouzo” de Cee.
- “Se queres aventuras apúntate á lectura” de Asier Triñanes Lestón, do Colexio “Manuela Rial Mouzo” de Cee.
- “Ler te transforma”, de Sofía Paz Pazos, do CEIP de Brens.