A confederación de Anpas galegas organizou a semana pasada as VII xornadas sobre a Atención á Diversidade A semana pasada tiveron lugar no IES Fernando Blanco de Cee unhas xornadas sobre a Atención á Diversidade organizadas polas confederación de Anpas Galegas que fai un balance moi positivo en canto á participación tanto por parte das familias coma do profesorado. Segundo sinalan os organizadores, o obxectivo primordial destas xornadas foi xerar un tempo e un espazo no que adquirir coñecementos e que profesorado, nais e pais tiveran a oportunidade de aprender xuntos xa que entre todos perseguen mellorar as prácticas educativas, atendendo á diversidade do alumnado. "Entendemos que conseguimos amplamente os obxectivos propostos", sinalan dende a confederación. Estas VII xornadas centraronse na Diversidade e Educación e os participantes aproveitaron para coñecer novos aspectos educativos. Eva Ramil - do proxecto ENKI - falou sobra a necesaria atención á diversidade en todos os ámbitos (tamén no deporte) co seu relatorio "Unha carreira a prol da inclusión". O peche veu da man dos propios organizadores quenes falaron de "O Camiño Sen Límites", concebido coma unha estratexia inclusiva a longo prazo no que a través de varios roteiros se inclúen diversas actvidades dirixidas a un alumnado diverso de distintos centros educativos e organizacións. Xornadas de Inclusion das ANPAS-Foto-Rafa Quintans Novas relacionadas

• A Federación de Anpas pecha a súa 1º liga de Xadrez
• As ANPAs avanzan en Vimianzo as novas Xornadas de Diversidade e o novo Camiño SenLímites
• A Costa da Morte, referente educativo na diversidade.
• As Fedanpas artellan unhas completas Xornadas de Atención á diversidade nas escolas

Fonte

• Redacción QPC (info@quepasanacosta.com)
• Federación Provincial de ANPAs da Coruña - Costa da Morte