A Costa da Morte comeza a ulir a Nadal. Ademais do alumeado público con motivos navideños que invade a estrada AC 551 os concellos e outras organizacións apuranse a pechar a programación para os vindeiros días de festa que van dende as actividades culturais ata as máis solidarias. Carballo Evencio Ferrero, Marcos Trigo e José Manuel Naya presentaron o programa Nadal Cultural 2015 de Carballo Cantos de Nadal, cabalgatas de Reis, obradoiros, contacontos, arte, bailes para maiores, o Apalpador, iniciativas solidarias e o sempre agardado Nadal Pequespectacular enchen un ano máis a programación dun Nadal Cultural que ofrece citas para todos os públicos, pero nomeadamente para os máis cativos e cativas, entre o 9 de decembro e o 10 de xaneiro. Para ver a programación preme aquí. Cee Jose Manuel Otero Lastres presenta o vindeiro martes en Cee a súa nova novela O concello de Cee que inicia o vindeiro martes, 15 de decembro, a súa programación de Nadal coa presentación da nova novela de José Manuel Otero Lastres, "Sombras de Ningurán". A obra ambiéntase en novembro de 2011, en Ningurán, unha localidade da Costa da Morte. Alí vaise a proceder á exhumación do corpo de Romualdo García, un coñecido constructor da zona, para realizarlle as probas de ADN debido á demanda de paternidade dun home dese pobo, Manuel Antonio Yáñez, que asegura ser o seu fillo. No momento de abrir o nicho, compróbase que o cadáver ten desaparecido. As sospeitas recaen sobre a familia do morto, reacia a recoñecer ó novo membro, ó que ven como un carroñeiro na busca da sustanciosa herdanza do finado. Pero nin a muller nin os fillos de Romualdo gardan relación con este suceso. Para comprender o que ten acontecido é necesario remontarse oitenta anos atrás. No outono de 1931, María Fuentes, unha veciña de Ningurán, dá á luz a xemelgos. O párroco, axudado polo médico, fai crer á nai que un deles morreu no parto para así poder entregarllo a unha acomodada familia de Santiago de Compostela... A presentación da obra é ás 20. 30 horas na sala de conferencias da Casa de Cultura Cee nun acto no que o autor do libro estará acompañado polo alcalde da vila, Ramón Vigo, a concelleira de Cultura e Festexos, Yolanda García, a enxeñeira e escritora ceense, María Canosa, o poeta e catedrático de literatura na Universidade de A Coruña, José María Paz Gago e o escritor Alfredo Conde, Premio Nacional de Literatura. Recollida de xoguetes Os colexios do concello de Ponteceso reciben o vindeiro venres, 11 de decembro, a visita do Apalpador grazas ó traballo da área de Normalización Lingüística, dirixida por Carlos Penedo Casmartiño. Chegará ás 9 e media da mañá ao CEIP Eduardo Pondal, onde se reunirá primeiro co alumnadode infantil e 1º e 2º de primaria, para logo visitar as demais aulas do centro. Ás 11 estará no CEIP As Forcadas para que os nenos e nenas de Corme poidan disfrutar da súa compaña. Por outra banda, desde a mesma área do concello realizouse un reparto polos centros de ensino e comercios de Ponteceso e Corme de cartas para os Reis Magos co fin de que todo o mundo poida dirixir as súas peticións con tempo.

• Redacción QPC (info@quepasanacosta.gal)