Xa está en marcha unha nova convocatoria de cursos de lingua galega para persoas adultas preparatorios para as probas Celga 2017. Aos cursos presenciais para os niveis Celga 2, 3 e 4, que viñan sendo habituais nas últimas convocatorias, súmanse desta volta dous cursos en liña preparatorios para o Celga 1 pensados para persoas que teñen un coñecemento elemental da lingua propia de Galicia.

Os prazos para solicitar estes cursos rematan o 28 de marzo (no caso dos presenciais) e o 23 no caso da formación en liña. Tanto a convocatoria como os formularios de solicitude dos cursos presenciais están a disposición da cidadanía na sede electrónica da Xunta de Galicia (https://sede.xunta.gal) e no Portal da Lingua Galega (http://www.lingua.gal).

Programación de cursos preparatorios para as probas Celga 2017

Haberá varios cursos preparatorios na zona:

- En Cee: Curso preparatorio das probas do nivel CELGA 3: no IES Fernando Blanco, do 18.4.2017 ao 7.6.2017. De luns a xoves das 18.30 ás 21.00 h..

- En Carballo: curso preparatorio das probas do nivel CELGA 4: no IES Parga Pondal de Carballo, do 18 de abril ao 7 de xuño. De luns a venres de 18:30h a 20:30h.

Máis información

• Cursos CELGA.
• Convocatoria cursos Celga en liña.
• lingua.gal.
• 881996328 ou 981184898 | [email protected].

Fonte

• Redacción de QPC ([email protected]).